இறுதிக்கட்ட பணியில் ‘கும்பாரி’!
Thursday December-22 2022

இளைஞர்களின் நட்பு மற்றும் அண்ணன் தங்கை பாசத்தை மையப்படுத்தி உருவாகும் படம் ‘கும்பாரி’. ராயல் எண்டரிரைசஸ் சார்பில் குமாரதாஸ் தயாரிப்பில், கெவின் ஜோசன் எழுதி இயக்குகிறார்.

விஜய் விஷ்வா மற்றும் நலீல் ஜியா நாயகர்களாக நடிக்கும் இப்படத்தில் மஹானா சஞ்சீவி நாயகியாக நடிக்கிறார். இவர்களுடன் ஜான் விஜய், பருத்திவீரன் சரவணன், சாம்ஸ், மதுமிதா, செந்தி, காதல் சுகுமார் உள்ளிட்ட பல முன்னணி நட்சத்திரங்கள் நடிக்கிறார்கள்.

ஜெய்பிரகாஷ், ஜெய்சன், பிரித்வி ஆகியோர் இசையமைத்திருக்கும் இப்படத்திற்கு பிரசாத் ஆறுமுகம் ஒளிப்பதிவு செய்திருக்கிறார். மிராக்கில் மைக்கேல் சண்டைக்காட்சிகளை வடிவமைக்க, ராஜு முருகன் நடனம் அமைத்துளார். டி.எஸ்.ஜெய் படத்தொகுப்பு செய்துள்ளார்.

சமீபத்தில் வெளியான இந்த படத்தின் முதல் பாடலான கும்பாரி பாடல் ரசிகர்களிடையே மிகுந்த வரவேற்பை பெற்றுள்ள நிலையில், இப்படத்தின் இறுதிக்கட்ட பணிகள் நடைபெற்று வருகிறது.

பொங்கலுக்கு பிறகு படத்தை வெளியிட திட்டமிட்டுள்ள படக்குழு இது பற்றிய அறிவிப்பை விரைவில் அறிவிக்க உள்ளது.