Latest News :

அகில் சந்தோஷ், பாண்டியன் ஸ்டோர்ஸ் லாவண்யா நடித்திருக்கும் ‘ரேசர்’!
Sunday March-26 2023

அறிமுக நடிகர் அகில் சந்தோஷ் கதாநாயகனாகவும், ‘பாண்டியன் ஸ்டோர்ஸ்’ சீரியல் புகழ் லாவண்யா கதாநாயகியாகவும் நடித்திருக்கும் படம் ‘ரேசர்’. இவர்களுடன் ஆறுபாலா, திரெளபதி புகழ் சுப்ரமணியன் உள்ளிட்ட பலர் நடித்திருக்கும் இப்படத்தின் கதை, திரைக்கதை, வசனம், பாடல்கள் எழுதி சதீஷ் என்கிற சாட்ஸ் ரெக்ஸ் இயக்கியிருக்கிறார்.

 

ஹஸ்ட்லர்ஸ் என்டர்டெயின்மென்ட் (Hustlers Entertainment) பட நிறுவனம் சார்பில் கார்த்திக் ஜெயாஸ் அதிக பொருட் செலவில் தயாரிக்க, சந்தோஷ் கிருஷ்ணமூர்த்தி ( ரெடால் மீடியா ஒர்க்ஸ்) இணை தயாரிப்பு செய்திருக்கிறார். பிரபாகர் ஒளிப்பதிவு செய்திருக்கும் இப்படத்திற்கு பரத் இசையமைத்திருக்கிறார். கனியமுதன் கலை இயக்குநராக பணியாற்ற, சீனு சண்டைக்காட்சிகளை வடிவமைத்துள்ளார்.

 

தந்தை மகனுக்கு இடையேயான பிரச்சனையை மையமாக கொண்டு இதன் கதை அமைந்துள்ளது. நடுத்தர குடும்பத்தில் பிறந்தாலும் பெரிய பைக்  ரேசர் ஆக வேண்டும் என்ற லட்சியத்துடன் இருக்கிறார் அகில் சந்தோஷ். ஆனால் அவர் கேட்கும் விலை உயர்ந்த  ரேஸ் பைக்கை தந்தையால் வாங்கி தர முடியவில்லை. ஆனாலும்  தனது லட்சியத்தில் பின்வாங்காத அகில் தானே  கஷ்டப்பட்டு பைக் வாங்கி ரேஸில் சாதிக்க முயல்கிறார். இதற்கிடையில் அவர் சந்திக்கும் போராட்டங்கள் அதை மீறி அவரால் சாதிக்க முடிந்ததா  என்பதை விறுவிறுப்புடன் படம் விளக்குகிறது. இதற்கிடையில் இளவட்ட காதல் கதையும் இழையோடுகிறது.

 

இப்படத்துக்காக பாண்டிச்சேரியில்  பெரும் பொருட் செலவில் பைக் ரேஸ் நடக்கும் பந்தய மைதானம் அமைக்கப்பட்டது.  இந்த போட்டியின் முக்கிய காட்சிகள் ஏற்காட்டில் படமாக்கப்பட்டது. மேலும் சில முக்கிய காட்சிகள் சென்னையில் படமாக்கப்பட்டிருக்கிறது. 

 

மோட்டார் ரேஸ் காட்சிகளில் நிஜ ரேஸ் வீரர்களுடன் ஹீரோ அகில் போட்டிபோட்டு பைக் ஓட்டி அனைவரையும் ஆச்சரியத்தில்  ஆழ்த்தினார்.  லட்சியத்துடன்  வாழும் ஒவ்வொரு இளைஞனுக்கும் தன்னம்பிக்கை  தரும் படமாக உருவாகியிருக்கும் 

’ரேசர்’ வரும் ஏப்ரல் மாதம் திரைக்கு வருகிறது. 

 

ஆக்‌ஷன் ரியாக்‌ஷன் நிறுவனம் சார்பில் ஜெனீஷ் இப்படத்தை தமிழகம் முழுவதும் வெளியிடுகிறார்.

Related News

8894

சாந்தினி நடிப்பில் உருவாகியுள்ள ஃபேண்டஸி திகில் படம் ‘அமீகோ’ டிரைலர் வெளியானது!
Saturday July-20 2024

நடிகை சாந்தினி தமிழரசன் முதன்மை கதாபாத்திரத்தில் நடித்திருக்கும் ஃபேண்டஸி திகில் படமான ‘அமீகோ’ (Amigo)-வின் டிரைலர் வெளியாகி ரசிகர்களிடம் நல்ல வரவேற்பை பெற்றுள்ளது...

”’தில் ராஜா’ எனக்கான அடையாளத்தை பெற்று தரும்” - நடிகர் விஜய் சத்யா நம்பிக்கை
Saturday July-20 2024

காதல், ஆக்‌ஷன், கமர்ஷியல் உள்ளிட்ட அனைத்து ஜானர்களுக்கும் ஏற்ற ஹீரோக்களாக மட்டும் இன்றி நடிப்பிலும் அசத்துபவர்களாக இருந்தாலும், தங்களுக்கான சரியான இடம் கிடைக்காமல் போராடும் நடிகர்கள் பலர் உண்டு...

”என்னையும், என் அரசியலையும் புரிந்துக்கொள்வதற்கான படம் தான் ‘வாழை’!” - இயக்குநர் மாரி செல்வராஜ்
Friday July-19 2024

’மாமன்னன்’ படத்தின் வெற்றியை தொடர்ந்து இயக்குநர் மாரி செல்வராஜ் இயக்கத்தில் வெளியாக இருக்கும் படம் ‘வாழை’...