Latest News :

வியக்க வைத்த ‘விடுதலை’ பட ஆக்‌ஷன் காட்சிகள்! - வைரலாகும் மேக்கிங் வீடியோ
Tuesday March-28 2023

வெற்றிமாறன் இயக்கத்தில் சூரி கதையின் நாயகனாகவும், விஜய் சேதுபதி வாத்தியாராகவும் நடித்திருக்கும் ‘விடுதலை - பாகம் 1’ திரைப்படத்தை ஆர்.எஸ்.இன்போடெயின்மெண்ட் நிறுவனம் சார்பில் எல்ரெட் குமார் தயாரித்திருக்கிறார்.

 

தனித்துவமான கதைகளை உருவாக்கி அதை மக்களுடன் நெருக்கமான தொடர்பு ஏற்படுத்தும் வகையில் படமாக்கும் இயக்குநர் வெற்றிமாறனின் படங்கள் தொடர்ந்து மிகப்பெரிய வெற்றி பெற்று வருவதால் ‘விடுதலை - பாகம் 1’ படத்தின் மீது மிகப்பெரிய எதிர்பார்ப்பு ஏற்பட்டுள்ளது.

 

ஏற்கனவே படத்தின் பாடல்கள் மற்றும் டிரைலர் வெளியாகி பத்தின் மீதான எதிர்பார்ப்பை அதிகரித்திருக்கும் நிலையில், தற்போது வெளியாகியிருக்கும் படத்தின் மேக்கிங் வீடியோ பார்வையாளர்களை வியக்க வைத்துள்ளது. அதிலும், படத்தில் இடம்பெறும் சண்டைக்காட்சிகளை படமாக்கிய விதம் மிரட்டலாக இருப்பதோடு, படக்குழுவினர் மிக கடினமாக உழைத்திருப்பதையும் வெளிக்காட்டியிருக்கிறது.

 

3 நிமிடங்கள் கொண்ட இந்த வீடியோவின் ஒவ்வொரு காட்சிகளையும் பார்க்கும் போது பிரமிப்பாக இருப்பதோடு, பல கேமராக்கள் மூலம் பல கோணங்களில் படமாக்கப்பட்டிருக்கும் இந்த காட்சிகள் திரைப்படத்தில் எப்படி வந்திருக்கும்? என்ற ஆர்வத்தை ஏற்படுத்துகிறது.

 

 

வரும் மார்ச் 31 ஆம் தேதி உலகம் முழுவதும் திரையரங்குகளில் வெளியாக உள்ள ‘விடுதலை - பாகம் 1’ படத்தின் டிகெட் முன்பதிவு தொடங்கி நல்ல வரவேற்பை பெற்றிருக்கும் நிலையில் தற்போது படத்தின் மேக்கிங் வீடியோ வெளியாகி முழுமையான 24 மணி நேரம் ஆவதற்கு முன்பாகவே சோசியல் மீடியாக்களில் வைரலாகி டிரெண்டாகியிருப்பது குறிப்பிடத்தக்கது.

Related News

8899

மோஷன் போஸ்டர் மூலம் வெளியான ‘தி இந்தியா ஹவுஸ்’ பட அறிவிப்பு
Monday May-29 2023

குளோபல் ஸ்டார்  நடிகர் ராம் சரண், 'வி மெகா பிக்சர்ஸ்' என்ற தனது தயாரிப்பு நிறுவனம் மூலம் திரையுலகில் தனது அடுத்த பயணத்தை வெற்றிகரமாக துவங்கியுள்ளார்...

சரத்குமார் - அசோக் செல்வன் நடிப்பில் உருவான ‘போர் தொழில்’ டீசர் வெளியானது
Monday May-29 2023

சரத்குமார், அசோக் செல்வன் முதன்மை பாத்திரங்களில் இணைந்து நடிக்க நிகிலா விமல்  முக்கிய பாத்திரத்தில் நடித்துள்ள ’போர் தொழில்’ திரைப்படத்தை E4 எக்ஸ்பெரிமென்ட்ஸ் & எப்ரியஸ் ஸ்டுடியோவுடன் இணைந்து அப்ளாஸ் என்டர்டெயின்மென்ட் நிறுவனம் தயாரித்துள்ளது...

”எனக்கு ஆண்களை பிடிக்காது என்று நினைக்காதீங்க” - நடிகை ஐஸ்வர்யா ராஜேஷ்
Monday May-29 2023

பிவிஆர் திரையரங்குகளில் தென்னிந்திய தலைமை அதிகாரியான மீனா சாப்ரியா, தனது வாழ்க்கை சுயசரிதத்தை ‘அன்ஸ்டாப்பபல்’ (UNSTOPPABLE) என்ற தலைப்பில் எழுதியுள்ளார்...