Latest News :

’பீனிக்ஸ்’ படம் மூலம் இயக்குநர் மற்றும் தயாரிப்பாளராகும் அனல் அரசு!
Friday December-01 2023

இந்திய சினிமாவின் முன்னணி சண்டைப்பயிற்சி இயக்குநரான அனல், அரசு 12 ஆண்டுகளுக்கு மேலாக சண்டைப்பயிற்சி கலைஞராக பணியாற்றிய பிறகே சண்டைப்பயிற்சி இயக்குநரானார். இத்தகைய அவருடைய அனுபவம் தான் தற்போது அவரை இந்திய சினிமாவின் முன்னணி சண்டைப்பயிற்சி இயக்குநராக்கியிருப்பதோடு, முன்னணி ஹீரோக்கள் விரும்பும் சண்டைப்பயிற்சி இயக்குநராகவும் உருவாக்கியுள்ளது.

 

இந்த நிலையில், அனல் அரசு தயாரிப்பாளர் மற்றும் இயக்குநர் அவதாரம் எடுத்திருக்கிறார். ஏகே பிரேவ்மேன் பிக்சர்ஸ் சார்பில் ராஜலக்ஷ்மி அரசகுமார் தயாரிக்கும் இப்படத்திற்கு 'பீனிக்ஸ்' என்று பெயரிடப்பட்டுள்ளது. இப்படத்தின் மூலம் நடிகர் விஜய் சேதுபதியின் மகன் சூர்யா நாயகனாக அறிமுகமாகிறார். மேலும், விக்னேஷ், வர்ஷா விஸ்வநாத், அபி நக்‌ஷத்ரா, சத்யா.என்.ஜே, சம்பத், ஹரீஷ் உத்தமன், திலீபன், அட்டி ரிஷி, பூவையார் உள்ளிட்ட பலர் நடிக்கிறார்கள்.

 

சாம்.சி.எஸ் இசையமைக்கும் இப்படத்திற்கு ஆர்.வேல்ராஜ் ஒளிப்பதிவு செய்கிறார்.  பிரவீன்.கே.எல் படத்தொகுப்பு செய்ய, சத்யா.என்.ஜே ஆடை வடிவமைப்பாளராக பணியாற்றுகிறார்.  இப்படத்தின் படப்பிடிப்பு சமீபத்தில் சென்னை ஏவிஎம் ஸ்டுடியோவில் பூஜையுடன் தொடங்கியது.

 

இயக்குநராக அறிமுகமாவது குறித்து அனல் அரசு கூறுகையில், “இயக்குநராக என் முதல் படம் இது, இதை சிறந்த படைப்பாக கொடுக்க ஆவலுடன் இருக்கிறேன். நாங்கள் ஜவான் படப்பிடிப்பில் இருந்தபோது, விஜய் சேதுபதியின் மகன் தனது தந்தைக்கு மதிய உணவு பரிமாறுவதற்காக செட்டுக்கு வந்திருந்தார். அவர் அதிரடியான சண்டைக் காட்சிக்கான தயாரிப்பை உன்னிப்பாக கவனித்துக் கொண்டிருந்தார். அப்போது தான் என் கதையில் நடிக்க அவர் பொருத்தமாக இருப்பார் என்பதை உணர்ந்தேன். இந்த எண்ணத்தை விஜய் சேதுபதியிடம் பகிர்ந்து கொண்டபோது, சூர்யா இந்த கதைக்கு பொருத்தமானவர் என்பதால் இதைக் கேட்டு மிகவும் மகிழ்ச்சியடைந்தார்,  இந்த படத்தின் மூலம் வெள்ளித்திரையில் அவரை அறிமுகப்படுத்துவதில் பெருமைப்படுகிறேன்.” என்றார்.

 

Phoenix Movie Pooja

 

படத்தின் நாயகன் சூர்யா கூறுகையில், “நீண்ட நாட்களாக சண்டைக் காட்சிகளில் நடிக்க விரும்பினேன். அப்படி ஒரு வாய்ப்பு வரும்போது, அதை சரியாகப் பயன்படுத்த விரும்பினேன். இந்த படத்திற்காக 6 மாதம் பயிற்சி எடுத்துக் கொண்டேன். இந்த படத்தில் நடித்து தந்தையின் ஆதரவு இல்லாமல் தானே தனக்கான பெயரை உருவாக்குவேன், என் தந்தையின் நடை வேறு, எனது நடை வேறு.” என்றார்.

Related News

9381

”’பீனிக்ஸ்’ நாயகன் சூர்யாவுக்கு மிகப்பெரிய எதிர்காலம் உள்ளது” - இயக்குநர் அனல் அரசு புகழாரம்
Saturday July-12 2025

இயக்குனர் அனல் அரசு இயக்கத்தில் சூர்யா விஜய் சேதுபதி நடிப்பில் கடந்த ஜூலை நான்காம் தேதி திரையரங்குகளில் வெளியான பீனிக்ஸ் படம் மக்களிடையே நல்ல வரவேற்பை பெற்றது...

திரைப்பட தயாரிப்பில் இறங்கிய 'நாய்ஸ் அண்டு கிரைன்ஸ்'!
Saturday July-12 2025

திரைத்துறை ஜாம்பவான்கள் கலந்து கொள்ளும் பிரம்மாண்ட கலை நிகழ்ச்சிகளை வெற்றிகரமாக தயாரித்து, உருவாக்கி, நடத்துவதன் மூலம் இந்திய ஊடக வெளியில் தனக்கென ஒரு முக்கிய இடத்தைப் பிடித்துள்ள இந்தியாவின் முன்னணி ஊடகத் தயாரிப்பு மற்றும் திறமை மேலாண்மை நிறுவனமான நாய்ஸ் அண்டு கிரைன்ஸ் (Noise and Grains), திரைப்பட தயாரிப்பில் களம் இறங்குகிறது...

தமிழ் இயக்கத்தில் கார்த்தி நடிக்கும் ‘மார்ஷல்’!
Saturday July-12 2025

‘டாணாக்காரன்’ பட புகழ் இயக்குநர் தமிழ் இயக்கத்தில் கார்த்தி நடிக்கும் படத்திற்கு ‘மார்ஷல்’ என்று தலைப்பு வைக்கப்பட்டுள்ளது...

Recent Gallery