Latest News :

தயாரிப்பாளர் ஞானல்வேராஜா தொடங்கிய உலகத்தரம் வாய்ந்த போஸ்ட் புரொடக்‌ஷன்ஸ் ஸ்டுடியோ!
Friday February-23 2024

ஸ்டுடியோ க்ரீன் நிறுவனம் சார்பில் பல பிரமாண்ட வெற்றி படங்களை தயாரித்த தயாரிப்பாளர் கே.இ.ஞானவேல்ராஜா, தொடர்ந்து பல பிரமாண்ட படங்களை தயாரித்து வருகிறார். விக்ரம் நடிப்பில் ‘தங்கலான்’, சூர்யா நடிப்பில் ‘கங்குவா’ என ஞானவேல்ராஜா தயாரிப்பில் உருவாகும் படங்களுக்காக இந்திய திரையுலகமே எதிர்பார்த்துக் கொண்டிருக்கும் நிலையில், அவர் புதிய உலகத்தரம் வாய்ந்த போஸ்ட் புரொடக்‌ஷன்ஸ் ஸ்டுடியோ ஒன்றை ஆரம்பித்துள்ளார்.

 

தனது மகள் பெயரில் ‘ஆத்னா ஆர்ட்ஸ் ஸ்டுடியோ’ என்ற பெயரில் தயாரிப்பாளர் ஞானவேல்ராஜா தொடங்கியுள்ள இந்த ஸ்டுடியோவில் சூர்யாவின் ‘கங்குவா’ திரைப்படத்தின் டப்பிங் உள்ளிட்ட பின்னணி பணிகள் தொடங்கியுள்ளது.

இணையற்ற தயாரிப்பு மதிப்பு, திறமையான நடிகர்கள் என படத்தில் ஒவ்வொரு விஷயம் கவனமாகவும் கச்சிதமாகவும் செதுக்கப்பட்டுள்ள ‘கங்குவா’ நிச்சயம் நடிகர் சூர்யாவின் சினிமா பயணத்தில் மிகச்சிறந்தப் படைப்பாக இருக்கும். 

 

சிறுத்தை சிவா இயக்கத்தில், அசத்தலான லொகேஷன், ஆடம்பரமான செட் மற்றும் பிரம்மாண்டமான புரொடக்‌ஷன் டிசைனை கொண்டுள்ள ‘கங்குவா’ படத்தின் படப்பிடிப்பு  சமீபத்தில் முடிவடைந்த நிலையில் தற்போது ஒட்டுமொத்த படக்குழுவினரும் போஸ்ட் புரொடக்ஷன் பணிகளில் ஈடுபட்டுள்ளனர். அந்த வகையில், நடிகர் சூர்யா ‘கங்குவா’ படத்தில் தனது கதாபாத்திரத்திற்கான டப்பிங் பணியை தயாரிப்பாளர் கே.இ. ஞானவேல்ராஜாவின் ஆத்னா ஆர்ட்ஸ் ஸ்டுடியோவில் தொடங்கியுள்ளார். 

 

போஸ்ட் புரொடக்‌ஷன் பணிகள் விறுவிறுப்பாக நடந்து வருவதால், ரசிகர்கள் மற்றும் திரைத்துறையினர் மத்தியில் எதிர்பார்ப்பு முன்னெப்போதும் இல்லாத உச்சத்தை எட்டியுள்ளது. இந்த படம் நாடு முழுவதும் உள்ள பார்வையாளர்களை கவரும் வகையில் பல மொழிகளில் வெளியாகிறது. சிறப்பான சினிமா அனுபவத்தை இந்தப் படம் நிச்சயம் கொடுக்கும் என ரசிகர்களுக்கு படக்குழு உறுதி கொடுக்கிறது.

 

Surya in Kanguva Dubbing

 

'கங்குவா' படத்தில் சூர்யா கதாநாயகனாக நடித்திருக்க, பாலிவுட் நடிகை திஷா பதானி கதாநாயகியாக நடித்துள்ளார். ’அனிமல்’ படத்தில் தனது நடிப்பிற்காகப் பாராட்டுகளைப் பெற்ற பாபி தியோல் இதில் வில்லனாக மிரட்டலான நடிப்பைக் கொடுத்துள்ளார். இதுமட்டுமல்லாது நடிகர்கள் நடராஜன் சுப்ரமணியம், யோகி பாபு மற்றும் பலர் இதில் நடித்துள்ளனர்.

 

ஐகானிக் இசையமைப்பாளரான தேவி ஸ்ரீ பிரசாத் இசையில் உருவாகி இருக்கும் சார்ட்பஸ்டர் பாடல்களை ரசிகர்கள் கொண்டாடி இருக்கின்றனர். அவர்தான் இந்தப் படத்திற்கும் இசையமைத்திருக்கிறார். இந்தப் படத்திற்கு வெற்றி ஒளிப்பதிவு செய்திருக்கிறார்.

Related News

9544

மணிவர்மன் போன்றவர்கள் பெரிய அளவில் வெற்றி பெற வேண்டும் - ‘ஒரு நொடி’ பட இயக்குநரை பாராட்டிய தனஞ்செயன்
Saturday April-20 2024

தயாரிப்பாளரும், திரைப்பட விமர்சகரும், விநியோகஸ்தருமான தனஞ்ஜெயனின் கிரியேட்டிவ் எண்டர்டெய்ன்மென்ட் டிஸ்ட்ரிபியூட்டர்ஸ் உலகம் முழுவதும் ஏப்ரல் 26 ஆம் தேதியன்று திரையரங்குகளில் வெளியிடும் தமன்குமார் கதையின் நாயகனாக முதன்மையான வேடத்தில் நடித்திருக்கும் 'ஒரு நொடி' எனும் திரைப்படத்தின் இசை வெளியீடு சென்னையில் சிறப்பாக நடைபெற்றது...

’ரத்னம்’ இந்தக்கால ஆடியன்ஸுக்கு பிடிக்கும் படமாக இருக்கும் - இயக்குநர் ஹரி நம்பிக்கை!
Saturday April-20 2024

'தாமிரபரணி' மற்றும் 'பூஜை' சூப்பர் ஹிட் படங்களுக்கு பிறகு நடிகர் விஷால் மற்றும் இயக்குநர் ஹரி இணைந்து பணியாற்ற, ஸ்டோன்பெஞ்ச் ஃபிலிம்ஸ் கார்த்திகேயன் சந்தானம் மற்றும் ஜீ ஸ்டுடியோஸ் சவுத் இணைந்து தயாரிக்க, இன்வீனியோ ஆரிஜனின் அலங்கார் பாண்டியன் மற்றும் கல்யான் சுப்பிரமணியம் இணைத் தயாரிப்பாளர்களாக பணியாற்ற, அதிரடி ஆக்ஷ‌ன் படமாக உருவாகியுள்ள  'ரத்னம்' ஏப்ரல் 26 அன்று திரைக்கு வரவுள்ள நிலையில் இப்படத்தின் பத்திரிகையாளர் சந்திப்பு, படக்குழுவினர் கலந்துகொள்ள வியாழக்கிழமை மாலை சென்னையில் நடைபெற்றது...

சண்டைப் பயிற்சிக்கான சர்வதேச விருது பட்டியல்! - அனல் அரசு பணியாற்றிய ‘ஜவான்’ தேர்வு!
Friday April-19 2024

இந்திய திரையுலகின் முன்னணி சண்டைப்பயிற்சி இயக்குநராக வலம் வரும் அனல் அரசு, பல மொழித்திரைபப்டங்களில், சண்டைப்பயிற்சி இயக்குநராக பணியாற்றி வருவதோடு, பல முன்னணி ஹீரோக்களின் பேவரைட் சண்டைப்பயிற்சி இயக்குநராகவும் திகழ்கிறார்...