Latest News :

சிறுபடங்களுக்கு பெருநம்பிக்கை கொடுத்த ‘அரணம்’ வெற்றி!
Monday February-26 2024

தமிழ் சினிமாவின் தற்போதைய சூழலில் திரைப்படங்கள் எடுப்பதைக் காட்டிலும் அதை வெளியிடுவதிலும், வெற்றிப்படமாக்குவதிலும் பெரும் சிக்கல்கள் இருக்கிறது. நல்ல கதையம்சம் கொண்ட படங்களாக இருந்தாலும், சிறுபடங்களின் வெற்றி என்பது எட்டாக்கனியாகவே இருக்கும் நிலையில், அந்த நிலையை 2024 ஆம் ஆண்டில் மாற்றிய முதல் சிறுமுதலீட்டு திரைப்படம் என்ற பெருமையை ‘அரணம்’ பெற்றிருக்கிறது.

 

பாடலாசிரியராக பல வெற்றிகளை ருசித்த பிரியன், ‘அரணம்’ மூலம் கதாநாயகன் மற்றும் இயக்குநர் என்று இரண்டு புதிய அவதாரங்களை எடுத்தார்.  தனது பணிகளை சிறப்பாக செய்து தனது முதல் படத்தை மக்களுக்கு ஏற்ற ஜனரஞ்சகமான படமாக மட்டும் இன்றி, தான் சொல்ல் வந்த கதையை நேர்மையான முறையில் கொடுத்தவர், அப்படத்தை வெளியிட வழக்கம் போல் பல பிரச்சனைகளை சந்தித்தார். இருந்தாலும், தனது படைப்பின் மீதும், மக்கள் மீதும் நம்பிக்கை வைத்து கடும் போராட்டங்களுக்குப் பிறகு தனது படத்தை வெளியிட்டவர், இன்று அப்படத்தின் மூலம் இயக்குநர் மற்றும் கதாநாயகனாக அங்கீகரிக்கப்பட்டிருக்கிறார்.

 

கடந்த ஜனவரி மாதம் 5 ஆம் தேதி தமிழ்நாடு மட்டும் இன்றி கர்நாடகம் , கேரளா போன்ற அண்டை மாநிலங்களில் சுமார் 100-க்கும் மேற்பட்ட திரையரங்குகளில் வெளியான ‘அரணம்’ திரைப்படம் தற்போது 50 நாட்களை கடந்து வெற்றிகரமாக ஓடிக்கொண்டிருக்கிறது. பொங்கல் பண்டிகையின் போது முன்னணி நடிகர்களின் திரைப்படங்கள் வெளியாகி, தனக்கான திரையரங்கங்கள் குறைக்கப்பட்ட போதிலும், தொடர்ந்து வெற்றிகரமாக ஓடிய ‘அரணம்’ ஏழு வாரங்களை கடந்து தற்போது எட்டாவது வாரத்தில் அடியெடுத்து வைத்துள்ளது.

 

தமிழ் சினிமாவின் தற்போதைய நிலையில் ஒரு திரைப்படம் 50 நாட்களை கடந்து ஓடுவது இமாலய சாதனையாக கருதப்படும் நிலையில், அந்த சாதனையை ‘அரணம்’ போன்ற சிறுபடம் நிகழ்த்தியிருப்பது அப்படக்குழுவுக்கு கிடைத்த வெற்றி மட்டும் அல்ல, இதுபோன்ற சிறுபடங்களை எடுப்பவர்களின் வெற்றியாகவும், அவர்களின் பெருநம்பிக்கையாகவும் பார்க்கப்படுகிறது.

 

தனது கடுமையான உழைப்பு மற்றும் போராட்டத்தின் மூலம் இத்தகைய வெற்றியை சாத்தியமாக்கியுள்ள நாயகன் மற்றும் இயக்குநர் பிரியன் கூறுகையில், “50 நாள் என்பது பெரிய படங்களுக்கே கிட்டாத உயரம். சிறு படங்கள் நினைத்துக்கூட பார்க்க முடியாத ஒன்று. இப்பெரும்பேறு.. வரலாறு.. பெரும் சாதனை..  அரணம் போன்ற எளிய படத்திற்கு கிடைத்திருப்பது மற்ற சிறுபடங்களுக்கான பெருநம்பிக்கை.

 

சென்னை ஆல்பர்ட் திரையரங்கில்  இன்றிலிருந்து மதியம் 03.00 மணிக்காட்சியில் ’அரணம்’ திரைப்படம் காணலாம். 

 

இந்நேரத்தில் இதைச் சாத்தியப்படுத்திய ’தமிழ்த்திரைக்கூடம்’ தயாரிப்பு நிறுவனத்திற்கும், தயாரிப்பாளர்களுக்கும், உருவாக உழைத்த ’அரணம்’ திரைக்குழுவினருக்கும், சிறப்பான முறையில் உடன்நின்று வெளியிட்ட ’உத்ரா புரொடக்சன்ஸ்’ ஹரிஉத்ரா அவர்களுக்கும், ஏற்று அங்கீகாரம் தந்த பத்திரிக்கை மற்றும் ஊடக அன்பர்களுக்கும், ஏற்றுகொண்டு கொண்டாடி அடையாளம் தந்த மதிப்புமிகு மக்களுக்கும் மனம் நிறைந்த அகமார்ந்த நன்றிகள்.

 

மேலும் என்னை ஒரு கதை நாயகனாகவும், இயக்குநராகவும் ஏற்றுக்கொண்ட அத்துணை பேருக்கும் ஆழமான நன்றிகள்.” என்றார்.

Related News

9551

மணிவர்மன் போன்றவர்கள் பெரிய அளவில் வெற்றி பெற வேண்டும் - ‘ஒரு நொடி’ பட இயக்குநரை பாராட்டிய தனஞ்செயன்
Saturday April-20 2024

தயாரிப்பாளரும், திரைப்பட விமர்சகரும், விநியோகஸ்தருமான தனஞ்ஜெயனின் கிரியேட்டிவ் எண்டர்டெய்ன்மென்ட் டிஸ்ட்ரிபியூட்டர்ஸ் உலகம் முழுவதும் ஏப்ரல் 26 ஆம் தேதியன்று திரையரங்குகளில் வெளியிடும் தமன்குமார் கதையின் நாயகனாக முதன்மையான வேடத்தில் நடித்திருக்கும் 'ஒரு நொடி' எனும் திரைப்படத்தின் இசை வெளியீடு சென்னையில் சிறப்பாக நடைபெற்றது...

’ரத்னம்’ இந்தக்கால ஆடியன்ஸுக்கு பிடிக்கும் படமாக இருக்கும் - இயக்குநர் ஹரி நம்பிக்கை!
Saturday April-20 2024

'தாமிரபரணி' மற்றும் 'பூஜை' சூப்பர் ஹிட் படங்களுக்கு பிறகு நடிகர் விஷால் மற்றும் இயக்குநர் ஹரி இணைந்து பணியாற்ற, ஸ்டோன்பெஞ்ச் ஃபிலிம்ஸ் கார்த்திகேயன் சந்தானம் மற்றும் ஜீ ஸ்டுடியோஸ் சவுத் இணைந்து தயாரிக்க, இன்வீனியோ ஆரிஜனின் அலங்கார் பாண்டியன் மற்றும் கல்யான் சுப்பிரமணியம் இணைத் தயாரிப்பாளர்களாக பணியாற்ற, அதிரடி ஆக்ஷ‌ன் படமாக உருவாகியுள்ள  'ரத்னம்' ஏப்ரல் 26 அன்று திரைக்கு வரவுள்ள நிலையில் இப்படத்தின் பத்திரிகையாளர் சந்திப்பு, படக்குழுவினர் கலந்துகொள்ள வியாழக்கிழமை மாலை சென்னையில் நடைபெற்றது...

சண்டைப் பயிற்சிக்கான சர்வதேச விருது பட்டியல்! - அனல் அரசு பணியாற்றிய ‘ஜவான்’ தேர்வு!
Friday April-19 2024

இந்திய திரையுலகின் முன்னணி சண்டைப்பயிற்சி இயக்குநராக வலம் வரும் அனல் அரசு, பல மொழித்திரைபப்டங்களில், சண்டைப்பயிற்சி இயக்குநராக பணியாற்றி வருவதோடு, பல முன்னணி ஹீரோக்களின் பேவரைட் சண்டைப்பயிற்சி இயக்குநராகவும் திகழ்கிறார்...