Latest News :

”அம்மாக்களை அவசியம் அழைத்து வாருங்கள்” - ‘ஜெ பேபி’ படக்குழுவின் அன்புக்கட்டளை!
Wednesday February-28 2024

இயக்குநர் பா.இரஞ்சித் இயக்கும் படங்கள் மட்டும் இன்றி தனது நீலம் புரொடக்‌ஷன்ஸ் நிறுவனம் சார்பில் தயாரிக்கும் படங்களும், சமூக கருத்துக்களை பேசுவதோடு, சமூக பிரச்சனைகளை பின்னணியாக கொண்ட படங்களாக மட்டுமே இருக்கும். அதை பிரச்சாரமாக அல்லாமல் ஜனரஞ்சகமான முறையில் சொல்லி தொடர்ந்து வெற்றி பெற்று வரும் இயக்குநர் பா.இரஞ்சித், ’ஜெ பேபி’ படத்திற்காக தனது கொள்கையை சற்று தளர்த்திக்கொண்டிருக்கிறார்.

 

ஆம், சமூக கருத்துக்களை உள்ளடக்கிய படங்களை தயாரித்து வந்த இயக்குநர் பா.இரஞ்சித், குடும்ப உறவுகளைப் பற்றி பேசுகிற படமாகவும், நகைச்சுவைக்கு முக்கியத்துவம் கொடுத்து தயாரித்திருக்கும் படம் ‘ஜெ பேபி’. சுரேஷ் மாரி இயக்கியிருக்கும் இப்படத்தின் நடிகை ஊர்வசி, தினேஷ், மாறன் ஆகியோர் முதன்மை கதாபாத்திரத்தில் நடித்திருக்கிறார்கள்.

 

நீலம் புரொடக்‌ஷன்ஸ் நிறுவனம் தயாரிப்பில் வெளியாகும் படங்கள் என்றாலே ரசிகர்களிடம் தனி கவனம் பெறும் நிலையில், ‘ஜெ பேபி’ படம் அதை சற்று அதிகமாகவே பெற்றிருக்கிறது. காரணம், படத்தில் நடித்திருக்கும் நட்சத்திரக் கூட்டணியோடு, இயக்குநர் பா.இரஞ்சித்தின் புதிய பயணமும் தான்.

 

இந்த நிலையில், சமீபத்தில் ‘ஜெ பேபி’ படத்தின் சிறப்புக்காட்சி திரைத்துறையினருக்கு திரையிடப்பட்டது. படத்தை பார்த்த அனைவரும் படக்குழுவினரையும், இயக்குநர் சுரேஷ் மாரி, தயாரிப்பாளர் பா.இரஞ்சித் இருவரையும் வெகுவாக பாராட்டியதோடு, படம் உணர்வுப்பூர்வமாக இருப்பதோடு, சிரிக்க வைத்து சிந்திக்கவும் வைக்கிறது. நிச்சயம் குடும்பத்தோடு பார்க்க வேண்டிய படம், என்று கூறி பாராட்டியுள்ளனர்.

 

மேலும், படத்தின் இயக்குநர் சுரேஷ் மாரி படம் குறித்து கூறுகையில், “இது அனைவருக்குமான படம். குடும்பத்தோடு பார்க்க வேண்டிய படம். படம் பார்க்க திரையரங்கிற்கு வருபவர்கள் அவசியம் தங்களது அம்மாக்களையும் அழைத்து வாருங்கள்.” என்று அன்புக்கட்டளையும் போட்டுள்ளார்.

 

சக்தி பிலிம் பேக்டரி சார்பில் பி.சக்திவேலன் தமிழ்நாடு திரையரங்க உரிமையை பெற்றுள்ள ‘ஜெ பேபி’ உலக மகளிர் தினமான மார்ச் 8 ஆம் தேதி உலகம் முழுவதும் வெளியாகிறது.

Related News

9560

மணிவர்மன் போன்றவர்கள் பெரிய அளவில் வெற்றி பெற வேண்டும் - ‘ஒரு நொடி’ பட இயக்குநரை பாராட்டிய தனஞ்செயன்
Saturday April-20 2024

தயாரிப்பாளரும், திரைப்பட விமர்சகரும், விநியோகஸ்தருமான தனஞ்ஜெயனின் கிரியேட்டிவ் எண்டர்டெய்ன்மென்ட் டிஸ்ட்ரிபியூட்டர்ஸ் உலகம் முழுவதும் ஏப்ரல் 26 ஆம் தேதியன்று திரையரங்குகளில் வெளியிடும் தமன்குமார் கதையின் நாயகனாக முதன்மையான வேடத்தில் நடித்திருக்கும் 'ஒரு நொடி' எனும் திரைப்படத்தின் இசை வெளியீடு சென்னையில் சிறப்பாக நடைபெற்றது...

’ரத்னம்’ இந்தக்கால ஆடியன்ஸுக்கு பிடிக்கும் படமாக இருக்கும் - இயக்குநர் ஹரி நம்பிக்கை!
Saturday April-20 2024

'தாமிரபரணி' மற்றும் 'பூஜை' சூப்பர் ஹிட் படங்களுக்கு பிறகு நடிகர் விஷால் மற்றும் இயக்குநர் ஹரி இணைந்து பணியாற்ற, ஸ்டோன்பெஞ்ச் ஃபிலிம்ஸ் கார்த்திகேயன் சந்தானம் மற்றும் ஜீ ஸ்டுடியோஸ் சவுத் இணைந்து தயாரிக்க, இன்வீனியோ ஆரிஜனின் அலங்கார் பாண்டியன் மற்றும் கல்யான் சுப்பிரமணியம் இணைத் தயாரிப்பாளர்களாக பணியாற்ற, அதிரடி ஆக்ஷ‌ன் படமாக உருவாகியுள்ள  'ரத்னம்' ஏப்ரல் 26 அன்று திரைக்கு வரவுள்ள நிலையில் இப்படத்தின் பத்திரிகையாளர் சந்திப்பு, படக்குழுவினர் கலந்துகொள்ள வியாழக்கிழமை மாலை சென்னையில் நடைபெற்றது...

சண்டைப் பயிற்சிக்கான சர்வதேச விருது பட்டியல்! - அனல் அரசு பணியாற்றிய ‘ஜவான்’ தேர்வு!
Friday April-19 2024

இந்திய திரையுலகின் முன்னணி சண்டைப்பயிற்சி இயக்குநராக வலம் வரும் அனல் அரசு, பல மொழித்திரைபப்டங்களில், சண்டைப்பயிற்சி இயக்குநராக பணியாற்றி வருவதோடு, பல முன்னணி ஹீரோக்களின் பேவரைட் சண்டைப்பயிற்சி இயக்குநராகவும் திகழ்கிறார்...