Latest News :

சத்யராஜுக்கு ஜோடியான விஜய், அஜித் பட நாயகி!
Wednesday April-24 2024

அறிமுக இயக்குநர் பிரதாப் இயக்கத்தில், ஜி.பி.எஸ் கிரியேஷன்ஸ் சார்பில் ஜி.பி.செல்வகுமார் தயாரிப்பில், யுவராஜ் பிலிம்ஸ் சார்பில் பி.யுவராஜ் வெளியிடும் படத்திற்கு ‘பேபி & பேபி’ என்று தலைப்பு வைக்கப்பட்டுள்ளது. இப்படத்தில் நடிகர் ஜெய் நாயகனாக நடிக்க, அவருக்கு ஜோடியாக பிரக்யா நாக்ரா நடிக்கிறார். யோகி பாபு மிக முக்கியமான வேடத்தில் நடிக்க, ஆனந்தராஜ், ஸ்ரீமன், மொட்டை ராஜேந்திரன், ரெடின் கிங்ஸ்லி, இளவரசு, சிங்கம்புலி, நிழல்கள் ரவி, கேபிஒய் ராமர், கேபிஒய் தங்கதுரை, ஆர்.ஜே.விக்னேஷ்காந்த், சேசு ஆகியோர் இணைந்து நடிக்கின்றார்கள். மற்றொரு நாயகியாக புதுமுகம் சாய் தன்யா நடிக்கிறார். 

 

குடும்ப பின்னணியில் செண்டிமெண்ட் மற்றும் நகைச்சுவை ஜானர் திரைப்படமாக உருவாகும் இப்படத்தில் திருப்புமுனை கதாபாத்திரம் ஒன்றில் சத்யராஜ் நடிக்கிறார்.  ’நாளைய தீர்ப்பு’ படத்தில் விஜயின் முதல் கதாநாயகியாகவும், ‘பவித்ரா’ படத்தில் அஜித்துக்கு ஜோடியாகவும் நடித்த கீர்த்தனா செல்வகுமார், சத்யராஜுக்கு ஜோடியாக நடிக்கிறார். இவர் ஏற்கனவே தொலைக்காட்சி தொடர்களில் அம்மா வேடங்களில் நடித்து வந்த நிலையில், இப்படம் மூலம் மீண்டும் திரைப்படங்களில் அம்மா வேடங்களில் நடிக்க தொடங்கியுள்ளார்.

 

Actress Keerthana

 

டி.இமான் இசையமைக்கும் இப்படத்திற்கு டி.பி.சாரதி ஒளிப்பதிவு செய்கிறார். கே.ஆனந்தலிங்ககுமார் படத்தொகுப்பு செய்கிறார். 

 

இப்படத்தின் முதல்கட்டப் படப்பிடிப்பு பொள்ளாச்சி மற்றும் பாலக்காடு பகுதிகளில் படமாக்கப்பட்ட நிலையில், தற்போது இரண்டாம் கட்டப் படப்பிடிப்பு சென்னை மற்றும் அதன் சுற்று வட்டார பகுதிகளிலும், வெளிநாடுகளிலும் படமாக்கப்பட்டு வருகிறது. 

 

படத்தின் முதல் பார்வை போஸ்டர் மற்றும் டீசர் வெளியீட்டு பற்றிய அறிவிப்பை படக்குழு விரைவில் வெளியிட உள்ளது.

 

Yogi babu and Jay

Related News

9701

‘ராட்சசன்’ சரவணன் நாயகனாக நடிக்கும் ‘குற்றப்பின்னணி’ மே 31 ஆம் தேதி வெளியாகிறது!
Wednesday May-29 2024

‘ராட்சசன்’ படத்தில் கிறிஸ்டோபர் கதாபாத்திரத்தில் வில்லனாக நடித்து மிரட்டியவர் சரவணன்...

சென்னைக்கு வந்த ‘கல்கி 2898 AD’ படத்தின் புஜ்ஜி வாகனம்!
Wednesday May-29 2024

இந்தியத் திரையுலகமே ஆவலுடன் எதிர்பார்த்துக்கொண்டிருக்கும் சயின்ஸ் பிக்சன் திரைப்படமான 'கல்கி 2898 கி...

இயக்குநர் ஆனந்த் கிருஷ்ணனுடன் மீண்டும் கைகோர்த்த ஷிரிஷ் மற்றும் பாபி சிம்ஹா!
Wednesday May-29 2024

ஆனந்த் கிருஷ்ணன் இயக்கத்தில் ஷிரிஷ் மற்றும் பாபி சிம்ஹா நடிப்பில் கடந்த 2016 ஆம் ஆண்டு வெளியான ‘மெட்ரோ’ திரைப்படம் மிகப்பெரிய வெற்றியை பெற்றது...