Latest News :

அமீர் நடிப்பில் உருவாகியுள்ள ‘உயிர் தமிழுக்கு’ மே 10 ஆம் தேதி வெளியாகிறது!
Wednesday April-24 2024

யூடியுப் திரைப்பட விமர்சகர் புளூ சட்டை மாறன் இயக்கத்தில் வெளியான ’ஆன்டி இண்டியன்’ படத்தை தயாரித்த ஆதம் பாவா, தனது மூன் பிக்சர்ஸ் நிறுவனம் மூலம் தயாரித்து இயக்கியிருக்கும் படம் ‘உயிர் தமிழுக்கு’. இதில் நாயகனாக பிரபல இயக்குநர் அமீர் நடித்திருக்கிறார். அவருக்கு ஜோடியாக சாந்தினி ஸ்ரீதரன் நடித்திருக்கிறார். இவர்களுடன் ஆனந்த்தராஜ், இமான் அண்ணாச்சி, மாரிமுத்து, ராஜ்கபூர், சுப்ரமணியசிவா, மகாநதி சங்கர், ராஜசிம்மன், சரவணசக்தி மற்றும் பலர் இந்தப்படத்தில் நடித்துள்ளனர்.

 

அரசியல் பின்னணியில் உருவாகியுள்ள இப்படத்தின் அனைத்து பணிகளும்  முடிவடைந்த நிலையில், படத்தின் வெளியீட்டு தேதியை படக்குழு அதிகாரப்பூர்வமாக அறிவித்துள்ளது. அதன்படி, படம் வரும் மே 10 ஆம் தேதி திரையரங்குகளில் வெளியாக உள்ளது. பி.வி.ஆர் ஐநாக்ஸ் பிக்சர்ஸ் தமிழ்நாடு முழுவதும் ‘உயிர் தமிழுக்கு’ படத்தை வெளியிடுகிறது.

 

இது குறித்து படத்தின் தயாரிப்பாளரும், இயக்குநருமான ஆதம் பாவா கூறுகையில், “ஏற்கனவே வெளியான டீசர் மற்றும் டிரைலருக்கு மிகப்பெரிய வரவேற்பு கிடைத்துள்ளது. இந்த வரவேற்பால் படத்தின் நாயகன் இயக்குநர் அமீருக்கும் எனக்கும் படக்குழுவினருக்கும் மகிழ்ச்சி. மேலும் அமீர் படம் வந்து நீண்ட நாட்கள் ஆவதால் அவரது ரசிகர்களும் ஆவலுடன் காத்திருக்கிறார்கள். மக்களவை தேர்தல் நடைபெற்றுள்ள நிலையில் சூட்டோடு சூட்டாக இப்படி ஒரு அரசியல் காதல் காமெடி படம் வெளியாவதால் நேரடியாக மக்களிடம் நூறு சதவீதம் தொடர்பை ஏற்படுத்தும் என நினைக்கிறேன். 

 

இதுவரை பார்த்திராத ஒரு புது அமீரை ரசிகர்கள் இப்படத்தில் பார்க்கலாம். காதல், ஆக்‌ஷன், காமெடி என அனைத்து ஏரியாவிலும் ஒரு மாஸ் எண்டர்டைனராக அதகளப்படுத்தியிருக்கிறார். வித்யாசாகரின் இசையில் பாடல்களுக்கும் நல்ல வரவேற்பு கிடைத்து மில்லியன் கணக்கில் பார்வையாளர்களால் ரசிக்கப்பட்டுள்ளது. கோடை விடுமுறையில் குடும்பத்துடன் சென்று பார்க்கும் ரசிகர்களுக்கு ’உயிர் தமிழுக்கு’ சரியான விருந்தாக இருக்கும் இது இயக்குநராக,தயாரிப்பாளராக என்னுடைய கேரண்டி” என்றார்.

Related News

9705

‘ராட்சசன்’ சரவணன் நாயகனாக நடிக்கும் ‘குற்றப்பின்னணி’ மே 31 ஆம் தேதி வெளியாகிறது!
Wednesday May-29 2024

‘ராட்சசன்’ படத்தில் கிறிஸ்டோபர் கதாபாத்திரத்தில் வில்லனாக நடித்து மிரட்டியவர் சரவணன்...

சென்னைக்கு வந்த ‘கல்கி 2898 AD’ படத்தின் புஜ்ஜி வாகனம்!
Wednesday May-29 2024

இந்தியத் திரையுலகமே ஆவலுடன் எதிர்பார்த்துக்கொண்டிருக்கும் சயின்ஸ் பிக்சன் திரைப்படமான 'கல்கி 2898 கி...

இயக்குநர் ஆனந்த் கிருஷ்ணனுடன் மீண்டும் கைகோர்த்த ஷிரிஷ் மற்றும் பாபி சிம்ஹா!
Wednesday May-29 2024

ஆனந்த் கிருஷ்ணன் இயக்கத்தில் ஷிரிஷ் மற்றும் பாபி சிம்ஹா நடிப்பில் கடந்த 2016 ஆம் ஆண்டு வெளியான ‘மெட்ரோ’ திரைப்படம் மிகப்பெரிய வெற்றியை பெற்றது...