வெற்றிமாறன் தயாரிப்பில் கவின் நடிக்கும் ‘மாஸ்க்’ படம் பூஜையுடன் தொடங்கியது!
Saturday May-18 2024

இயக்குநர் வெற்றிமாறன் தனது கிராஸ் ரூட் ஃபிலிம் நிறுவனம் மூலம் ‘காக்கா முட்டை’, ‘விசாரணை’, ‘கொடி’, ‘வட சென்னை’ உள்ளிட்ட பல வெற்றி படங்களை தயாரித்திருக்கும் நிலையில், தற்போது பிளாக் மெட்ராஸ் பிலிம்ஸ் நிறுவனத்துடன் இணைந்து ‘மாஸ்க்’ என்ற படத்தை தயாரிக்கிறார். இதில் கவின் நாயகனாக  நடிக்க, நாயகியாக ஆண்ட்ரியா நடிக்கிறார். இவர்களுடன் ருஹானி ஷர்மா,பால சரவணன், அர்ச்சனா சந்தோக் உள்ளிட்ட பலர் நடிக்கிறார்கள்.

அறிமுக இயக்குநர் விகர்ணன் அசோக் இப்படத்தை இயக்குகிறார். இவர் ‘தருமி’ என்ற குறும்படத்திற்காக பிஹைண்ட்வுட்ஸ் கோல்ட் மெடல் விருது விழாவில் சிறந்த குறும்படத்திற்கான விருதை வென்றுள்ளார்.

ஜி.வி.பிரகாஷ் குமார் இசையமைக்கும் இப்படத்திற்கு ஆர்.டி.ராஜசேகர் ஒளிப்பதிவு செய்கிறார். ஆர்.ராமர் படத்தொகுப்பு செய்ய, ஜாக்கி கலை இயக்குநராக பணியாற்றுகிறார். பூர்த்தி மற்றும் விபின் ஆடை வடிவமைப்பாளராக பணியாற்ற, 

நிர்வாக தயாரிப்பாளர் எஸ்.பி.சொக்கலிங்கம் தயாரிப்பாளராக அறிமுகமாகிறார்.

இப்படத்தின் துவக்க விழா இன்று பூஜையுடன் நடைபெற்றது. படப்பிடிப்பு மே மாதம் இறுதியில் சென்னையில் துவங்குகிறது.