ஜூன் 14 ஆம் தேதி வெளியாகும் ‘பித்தல மாத்தி’!
Saturday June-08 2024

ஸ்ரீ சரவணா பிலிம் ஆர்ட்ஸ் சார்பில் சரவணன் தயாரிப்பில், மாணிக் வித்யா இயக்கத்தில் உருவாகியுள்ள படம் ‘பித்தல மாத்தி’. இதில், நடிகர் தம்பி ராமையாவின் மகனும் நடிகருமான உமாபதி ராமையா நாயகனாக நடித்துள்ளார். பால சரவணன், தம்பி ராமையா, வித்யூலேகா உள்ளிட்ட பலர் முக்கிய வேடங்களில் நடித்திருக்கிறார்கள். 

தற்போதைய காலக்கட்ட காதலை மையப்படுத்தி உருவாகியுள்ள இப்படம் காமெடி உள்ளிட்ட அனைத்து பொழுதுபோக்கு அம்சங்களும் நிறைந்த இந்த படம் அனைத்து தரப்பு ரசிகர்களையும் நிச்சயம் கவரும், என்று கூறிய இயக்குநர் மாணிக் வித்யா, தனக்கு இப்படம் ஒரு மைல் கல்லாய அமையும், என்று நம்பிக்கை தெரிவித்துள்ளார்.

வரும் ஜூன் 11 ஆம் தேதி நாயகன் உமாபதி ராமையாவுக்கு திருமணம் நடைபெற உள்ள நிலையில், ஜூன் 14 ஆம் தேதி ‘பித்தல மாத்தி’ திரைப்படம் உலகம் முழுவதும் திரையரங்குகளில் வெளியாக உள்ளது. இதையடுத்து நாயகன் தம்பி ராமையாவுக்கு திருமண வாழ்த்துடன், அவரது படம் வெற்றி பெறவும் பலர் வாழ்த்து தெரிவித்து வருகிறார்கள்.