தமிழ் மற்றும் தெலுங்கு சினிமாவில் முன்னணி நடிகைகளில் ஒருவரான தமன்னாவுக்கு தற்போது தழில் பட வாய்ப்புகள் ஏதும் இல்லை என்றாலும் தெலுங்கில் சில படங்களில் நடித்து வருகிறார். மேலும், வெப் சீரிஸ்களிலும் நடித்து வரும் தமன்னா, ஏராளமான விளம்பரப் படங்களிலும் நடித்து வருகிறார்.

இந்த நிலையில், ஆன்லைன் விளையாட்டு விளம்பரப் படங்களில் நடித்ததற்காக நடிகை தமன்னா மற்றும் அவருடன் இணைந்து நடித்த இந்திய கிரிக்கெட் அணியின் கேப்டன் விராட் கோலி, இருவரையும் கைது செய்யக் கோரி, உயர் நீதிமன்றத்தில் வழக்கு தொடரப்பட்டுள்ளது.

ஆன்லைன் மூலம் விளையாடும் விளம்பரங்களில் பெரிய அளவில் சூது நடப்பதாகவும், இதனால் இளைஞர்கள் பலர் பாதிக்கப்படுவதாக புகார் எழுந்துள்ளத். எனவே, ஆன்லைன் விளையாட்டுகளை தடை செய்ய வேண்டும், என்று பலர் கோரிக்கை விடுத்துள்ள நிலையில், சமீபத்தில் மதுரை உயர் நீதிமன்ற கிளையில் வழக்கு ஒன்றின் போது, ஆன்லைனில் விளையாடப்படும் ரம்மி விளையாட்டுக்கு நீதிபதி எதிர்ப்பு தெரிவித்தார்.

தற்போது ஆன்லைன் விளையட்டு விவாகரம் தொடர்பாக தமன்னா மீது வழக்கு தொடரப்பட்டிருப்பதோடு, அவரை கைது செய்ய வலியுறுத்தியிருப்பதால் பெரும் பரபரப்பு ஏற்பட்டுள்ளது.