நடிகர்கள் ரமணா மற்றும் நந்தா ஆகியோர் இணைந்து ராணா புரொடக்‌ஷன்ஸ் என்ற திரைப்பட தயாரிப்பு நிறுவனத்தை தொடங்கியுள்ளனர். இந்த நிறுவனம் மூலம் தயாரிக்கும் முதல் படத்தில் விஷால் நாயகனாக நடிக்கிறார். தமிழ், தெலுங்கு, மலையாலம், கன்னடம் மற்றும் இந்தி என ஐந்து மொழிகளில் உருவாகும் இப்படத்தின் படப்பிடிப்பு விறுவிறுப்பாக நடைபெற்று வருகிறது.

இந்த நிலையில், இப்படத்தின் தலைப்பை படக்குழு அதிகாரப்பூர்வமாக அறிவித்துள்ளது. படத்திற்கு ‘லத்தி’ என்று தலைப்பு வைக்கப்பட்டுள்ளது.

சமீபத்தில் வெளியான பல வெற்றிப் படங்களில் தயாரிப்பு தரப்பில் பணியாற்றிய ஏ.வினோத் குமார் இப்படத்தின் கதை, திரைக்கதை எழுதி இயக்குநராக அறிமுகமாகிறார். ஏ.வினோத்குமாருடன் இணைந்து பொன் பார்த்திபன் வசனம் எழுதுகிறார். சாம் சி.எஸ் இசையமைக்கும் இப்படத்திற்கு பாலசுப்பிரமணியெம் ஒளிப்பதிவு செய்கிறார். திலீப் சுப்பராயண் சண்டைக்காட்சிகளை வடிவமைக்கிறார். 

விஷாலுக்கு ஜோடியாக சுனைனா நடிக்க, முக்கிய கதாப்பாத்திரம் ஒன்றில் பிரபு நடிக்கிறார். மேலும் பல முன்னணி நட்சத்திரங்கள் நடிக்கும் இப்படத்தின் முதல் கட்டப்படப்பிடிப்பு முடிவடைந்துள்ள நிலையில், விரைவில் இரண்டாம் கட்டப் படப்பிடிப்பு தொடங்க உள்ளது.

விஷால் நடிப்பில் ‘எனிமி’ தீபாவளிக்கு வெளியாக உள்ள நிலையில், மற்றொரு படமான ‘வீரமே வாகை சூடும்’ படத்தின் இறுதி கட்ட வேலைகள் நடைபெற்று வருகிறது என்பது குறிப்பிடத்தக்கது.