தென்னிந்திய திரை கலைஞர்களை கெளரவிக்கும் வகையில் தாதாசாகேப் பால்கே தென்னிந்திய சினிமா விருதுகள் மத்திய அரசால் வழங்கப்பட்டு வருகிறது. அந்த வகையில், 2020 ஆம் ஆண்டுக்கான தாதாசாகேப் பால்கே தென்னிந்திய சினிமா விருதுகள் அறிவிக்கப்பட்டுள்ளனர்.

இதில், தமிழ் சினிமாவுக்கான விருதுகளில், பன்முகத்தன்மை வாய்ந்த நடிகருக்கான விருதுக்கு நடிகர் அஜித் தேர்வு செய்யப்பட்டுள்ளார். சிறந்த நடிகராக ‘அசுரன்’ படத்திற்காக தனுஷ் தேர்வு செய்யப்பட்டுள்ளார். சிறந்த நடிகைக்கான விருதுக்கு ‘ராட்சசி’ படத்திற்காக ஜோதிகா தேர்வாகியுள்ளார்.

சிறந்த இயக்குநர் விருதுக்கு ‘ஒத்தசெருப்பு சைஸ் 7’ படத்திற்காக ஆர்.பார்த்திபனும், சிறந்த படமாக ‘டூ லெட்’, சிறந்த இசையமைப்பாளராக அனிருத் தேர்வு செய்யப்பட்டுள்ளனர்.

இதேபோன்று தெலுங்கு, மலையாளம், கன்னடம் ஆகிய மொழி சினிமாவை சேர்ந்த கலைஞர்களுக்கும் விருது அறிவிக்கப்பட்டுள்ளது.