Mar 10, 2021 09:30 AM
அசோக் செல்வன், பிரியா பவானி சங்கர் நடிக்கும் படத்தின் படப்பிடிப்பு நிறைவடைந்தது
அசோக் செல்வன், பிரியா பவானி சங்கர் ஹீரோ, ஹீரோயினாக நடிக்கும் படம் ‘ஹாஸ்டல்’. அறிமுக இயக்குநர் சுமந்த் ராதாகிருஷ்ணன் இயக்கும் இப்படத்தை ட்ரைடண்ட் ஆர்ட்ஸ் சார்பில் ஆர்.ரவீந்திரன் தயாரிக்கிறார்.
இப்படத்தில் நாசர், சதீஷ், கிரிஷ் குமார் முனிஷ்காந்த், ரவி மரியா, கலக்கப்போவது யாரு புகழ் யோகி உள்ளிட்ட பலர் நடித்துள்ளனர்.
பிரவீன் குமார் ஒளிப்பதிவு செய்யும் இப்படத்திற்கு போபோ சசி இசையமைக்கிறார். ராகுல் படத்தொகுப்பு செய்ய, துரைராஜ் கலையை நிர்மாணிக்கிறார்.
‘ஹாஸ்டல்’ படத்தின் படப்பிடிப்பு முழுவதும் நிறைவடைந்த நிலையில், இறுதிக்கட்ட பணிகளில் இறங்கியுள்ள படக்குழு, படம் பற்றிய பல சுவாரஸ்ய தகவல்களை விரைவில் அறிவிக்க உள்ளனர்.