மீம் பற்றிய நுணுக்கங்களை கற்றுக்கொண்ட ’சாம்பியன்’ விஷ்வா!
சுசீந்திரன் இயக்கத்தில் வெளியான ‘சாம்பியன்’ படம் மூலம் தமிழ் சினிமாவில் ஹீரோவாக அறிமுகமானவர் விஷ்வா. முதல் படத்திலேயே கால்பந்தாட்ட வீரராக நடித்து பாராட்டு பெற்ற இவர், அதற்காக பல மாதங்கள் கால்பந்தாட்ட பயிற்சியில் ஈடுபட்டார்.
தற்போது தனது இரண்டாவது படத்திற்கு தயாராகி வரும் விஷ்வா, இப்படத்தில் மீம் கலைஞர் கதாப்பாத்திரத்தில் நடிக்கிறார். இதற்காக மீம் பற்றிய நுணுக்கங்களை அறிந்துக் கொள்வதற்காக, வினோத் என்ற மீம் கலைஞரிடம் பயிற்சி எடுத்துக் கொண்டாராம்.
‘சாம்பியன்’ படத்தில் விஷ்வாவின் நடிப்பை பார்த்து பாராட்டு தெரிவித்ததோடு, தனது படத்தில் ஹீரோவாக விஷ்வாவையே நடிக்க வைக்க விரும்பினாராம். அதேபோல், விஷாவை பார்த்த இயக்குநர் பாரதி பாலா, தனது கதைக்கு விஷ்வா பொருத்தமாக இருப்பதால், அவரும் ஓகே சொல்லிவிட்டாராம்.
சஸ்பென்ஸ் க்ரைம் திரில்லர் ஜானர் படமாக உருவாகும் இப்படத்தின் மற்ற நடிகர், நடிகைகள் மற்றும் தொழில்நுட்ப கலைஞர்கள் தேர்வு நடைபெற்று வருகிறது.
கே.எச் பிக்சர்ஸ் நிறுவனம் தயாரிக்கும் இப்படத்தின் தலைப்பு உள்ளிட்ட விவரங்களை படக்குழுவி விரைவில் அறிவிக்க உள்ளது.