தமிழ் பிக் பாஸின் நான்காவது சீசன் நிகழ்ச்சியில் இதுவரை ஐந்து போட்டியாளர்கள் வெளியேறிய நிலையில், நேற்று வெளியேறப் போகும் போட்டியாளர் யார்? என்று ரசிகர்களிடம் பெரும் எதிர்ப்பார்ப்பு ஏற்பட்டது.

இதற்கிடையே, அனிதா தான் இந்த வாரம் வெளியேற்றப்பட்டார், என்ற தகவல் ஒன்று வேகமாக பரவியதோடு, அதற்கு ஆதரமாக அனிதாவின் கணவர் வெளியிட்ட பதிவு ஒன்றையும் ரசிகர்கள் வெளியிட்டனர். அதற்கு ஏற்றவாறு அனிதாவுக்கு குறைவான வாக்குகள் கிடைத்தது.

இந்த நிலையில், யாரும் எதிர்ப்பார்க்காத வகையில், சனம் ஷெட்டி பிக் பாஸ் வீட்டில் இருந்து வெளியேற்றப்பட்டார். அவர் வெளியேறுவார் என்று ரசிகர்கள் மட்டும் அல்ல பிக் பாஸ் வீட்டில் இருக்கும் போட்டியாளர்களும் எதிர்ப்பார்க்கவில்லை. இதனால், அனைவரும் நேற்று பெரும் அதிர்ச்சியடைந்தவர்கள், சனத்தை கண்ணீர் மல்க வழி அனுப்பி வைத்தார்கள்.

மேலும், இந்த வாரத்திற்கான தலைவர் பதவிக்கான டாஸ்க்கின் அனிதா வெற்றி பெற்று தலைவராக தேர்வாகியுள்ளார். இன்று பிக் பாஸ் கொடுத்த டாஸ்க்கை பயன்படுத்தி அனைவரும் தலைவர் போட்டிக்கு போட்டியிடலாம் என்று அறிவிக்கப்பட்டார்கள். அதன்படி, அனைவரும் போட்டியிட, அதில் அனிதா வெற்றி பெற்றார்.