சிலம்பரசன் டி.ஆர். கதாநாயகனாக நடித்து பெரியளவில் ஹிட்டடித்த படங்களில் ஒன்று 'மன்மதன்’.2004 ஆம் ஆண்டு வெளியான இந்த படம், இப்போது டிஜிட்டல் தொழில்நுட்பத்தில் (Sound system 2k 4k formality) மெருகேற்றப்பட்டு, புதுப்பொலிவுடன் மீண்டும் திரையரங்குகளில் வெளியாகிறது.

'மன்மதன்' சிலம்பரசன் டி.ஆர் முதல் முறையாக இரட்டை வேடத்தில் நடித்த இப்படத்திற்கு யுவன் சங்கர் ராஜா இசையமைத்திருந்தார். பாடல்கள் அனைத்தும் மிகப்பெரிய வரவேற்பு பெற்றதோடு, சிலம்பரசனின் கதையும், திரைக்கதையும் ரசிகர்களை வெகுவாக கவர்ந்தது.

சிலம்பரசன் டி.ஆர் உடன் ஜோதிகா, சிந்து துலானி, கவுண்டமணி, சந்தானம் என பலரும் நடித்திருந்த இந்த படத்தை ஏ.ஜே.முருகன் இயக்கியிருந்தார்.

வரும் மார்ச் 19 ஆம் தேதி வெளியாகும் ‘மன்மதன்’ படத்தை நந்தினி தேவி ஃபிலிம்ஸ் தமிழ்நாடு முழுவதும் சுமார் 150 திரையரங்குகளில் வெளியிடுகிறது.