Oct 05, 2018 06:43 PM
விஜய் சேதுபதியின் படத்தை காதலருடன் பார்த்து மகிழ்ந்த நயந்தாரா!
விஜய் சேதுபதி, திரிஷா நடிப்பில் உருவாகியுள்ள காதல் படமான ‘96’ புதிய காதலர்கள் கொண்டாடும் காதல் காவியமாகியிருப்பதோடு, பலரது முதல் காதலையும் நினைவுப்படுத்தும் உணர்வுப்பூர்வப் படமாகவும் உருவெடுத்திருக்கிறது.
இந்த நிலையில், தமிழ் சினிமாவையும், ரசிகர்களையும் தங்களது காதலால் உருக வைத்துக் கொண்டிருக்கும் நயந்தாரா - இயக்குநர் விக்னேஷ் சிவன், காதல் ஜோடி, ‘96’ படத்தை பார்த்து மகிழ்ந்திருக்கிறார்கள்.
விஜய் டிவி தொகுப்பாளர் திவ்யதர்ஷினி, இசையமைப்பாளர் தரன் உள்ளிட்ட தங்களது நண்பர்களோடு நயந்தாரா - விக்னேஷ் சிவன் ஜோடி ‘96’ படத்தை சமீபத்தில் பார்த்தார்கள். ஒரு பக்கம் 96 படம் தமிழ் சினிமாவில் முக்கியமான காதல் படமாக இடம் பிடித்திருக்கையில், நயந்தாரா - விக்னேஷ் சிவன் ஜோடி அந்த படத்தை பார்த்ததிருப்பது, மற்றொரு முக்கிய விஷயமாக வைரலாகிக் கொண்டிருக்கிறது.