‘ஜோக்கர்’ படம் மூலம் ஹீரோவான குரு சோமசுந்தரம், தற்போது பல படங்களில் ஹீரோவாக நடித்து வருகிறார். அந்த வகையில் அவர் நடித்து வரும் படம் ‘ஓடு ராஜா ஓடு’.

ஜதின் என்பவர் இயக்கும் இப்படம் காமெடி திரில்லர் படமாக உருவாகி வருகிறது. இப்படத்தின் பஸ்ட் லுக் மற்றும் புரோமோ பாடலை விஜய் சேதுபதி வெளியிட்டு இருந்தார்.

குணச்சித்திரம், ஹீரோ என எந்த வேடமாக இருந்தாலும், தனது நடிப்பால் அந்த வேடத்தை ரசிகர்களின் மனதில் பதிய வைக்கும் குரு சோமசுந்தரத்தின் வித்தியாசமான நடிப்பில் உருவாகியுள்ள ‘ஓடு ராஜா ஓடு’ படம் ஏற்கனவே பெரும் எதிர்ப்பார்ப்பை ஏற்படுத்தியிருக்க, இப்படத்தின் டீசரும் தற்போது வைரலாகி வருகிறது.

இந்த நிலையில், இப்படத்தினை ஆகஸ்ட் மாதம் வெளியிட படக்குழுவினர் முடிவு செய்திருப்பதாக தகவல் வெளியாகியுள்ளது.