Mar 25, 2020 03:00 PM

விஜயின் 65 வது படத்தின் ஹீரோயின் இவங்க தான்!

விஜயின் 65 வது படத்தின் ஹீரோயின் இவங்க தான்!

விஜய் நடிப்பில் உருவாகியுள்ள ‘மாஸ்டர்’ திரைப்படம் வரும் ஏப்ரல் 9 ஆம் தேதி வெளியாக இருந்த நிலையில், கொரோனா பாதிப்பால் ரிலீஸ் தள்ளி வைக்கப்பட்டுள்ளது. அதே சமயம், விஜயின் தனது புதிய படத்தின் பணிகளை ஏற்கனவே தொடங்கிவிட்டார்.

 

விஜயின் 65 வது படமாக உருவாகவுள்ள இப்படத்தை ஏ.ஆர்.முருகதாஸ் இயக்கப் போகிறார். சன் பிக்சர்ஸ் நிறுவனம் தயாரிக்கும் இப்படம் ‘துப்பாக்கி 2’ என்று கூறப்படுகிறது.

 

இந்த நிலையில், இப்படத்தின் ஹீரோயினாக காஜல் அகர்வால் ஒப்பந்தம் செய்யப்பட்டிருப்பதாக தகவல் வெளியாகியுள்ளது. அதே போல், இசையமைப்பாளராக தமன் ஒப்பந்தம் செய்யப்பட்டிருக்கிறாராம்.

 

Kajal Agarwal

 

ஏ.ஆர்.ரஹ்மான், அனிருத் என யாரை வேண்டுமானாலும், தேர்ந்தெடுத்துக் கொள்ளுங்கள், என்று இயக்குநர் முருகதாஸிடம், சன் பிக்சர்ஸ் தரப்பு கூறினாலும், இருவரையும் நிரகரித்த முருகதாஸ், தமனே போதும் என்று கூறிவிட்டாராம்.

 

இதற்கு காரணம், ஏ.ஆர்.ரஹ்மான், அனிருத் இருவரும் அவசரத்திற்கு பணியாற்ற மறுக்கிறார்களாம், இதனால், இருவரையும் முருகதாஸ் நிராகரித்துவிட்டதாக கூறப்படுகிறது.

 

‘அண்ணாத்தே’ படத்திற்காக அனிருத்தை ரஜினிகாந்த் சிபாரிசு செய்தபோது, இயக்குநர் சிவா, இதே காரணத்தை கூறி தான் அவரை நிராகரித்துவிட்டு டி.இமானை இசையமைப்பாளராக தேர்வு செய்தார் என்பது குறிப்பிடத்தக்கது.