எஸ்.பி.ஜனநாதன் இயக்கத்தில், விஜய் சேதுபதி - ஸ்ருதி ஹாசன் நடிக்கும் படத்தின் படப்பிடிப்பு தொடங்கியது.

விஜய் சேதுபதியின் சொந்த நிறுவனமான விஜய் சேதுபதி புரொடக்‌ஷன்ஸ், 7CS எண்டர்டெயின்மெண்ட் நிறுவனமும் இணைந்து தயாரிக்கும் இப்படத்திற்கு ‘லாபம்’ என்று தலைப்பு வைக்கப்பட்டுள்ளது.

இயற்கை, ஈ, பேராண்மை, புறம்போக்கு என சமூகத்தை பற்றியும், அரசியல் பற்றியும் பேசும் படங்களை இயக்கிய தேசிய விருது பெற்ற இயக்குநர் எஸ்.பி.ஜனநாதன் இயக்கும் இப்படம் மிகப்பெரிய பட்ஜெட்டில் உருவாகிறது. இதில், விஜய் சேதுபதியும், ஸ்ருதி ஹாசனும் நடிக்க இவர்களுடன் ஜெகபதிபாபு முக்கிய வேடத்தில் நடிக்கிறார். டி.இமான் இசையமைக்கும் இப்படத்திற்கு ராம்ஜி ஒளிப்பதிவு செய்கிறார்.

இப்படத்தின் படப்பிடிப்பு இன்று பூஜையோடு தொடங்கியது. படத்தின் முதல் கட்டப்பட்ப்பிடிப்பு ராஜபாளையத்தில் நடைபெற உள்ளது.