தமிழ் சினிமாவின் முன்னணி நடிகர்களில் ஒருவரான சூர்யா, விஜய் மற்றும் அஜித் அளவிற்கு வசூல் ஹீரோ என்று பெயர் எடுக்கவில்லை என்றாலும், வித்தியாசமான படங்களில் நடித்து ரசிகர்களை கவர்ந்து வந்தார்.

இதற்கிடையே, சூர்யா தொடர்ந்து 5 தோல்வி படங்களைக் கொடுத்ததால் அவரது மார்க்கெட் தற்போது சரிவை நோக்கி சென்றுக்கொண்டிருப்பதாக சினிமா வியாபாரிகள் கூறி வரும் நிலையில், கடைசியாக வெளியான ‘தானா சேர்ந்த கூட்டம்’ படமும் படு தோல்வி அடைந்தது. ஆனால், அப்படத்தை வெற்றிப் படமாக காட்டுவதற்காக இயக்குநருக்கு சூர்யா கார் ஒன்றை பரிசளித்தார். அதே சமயம், அப்படம் சென்னையில் முதல் நாள் வசூலாக ரூ.74 லட்சத்தை வசூல் செய்தது. இது விஜய், அஜித் ஆகியோரது படங்களுக்கு பிறகு ஓரளவு நல்ல வசூல் என்று கூறப்பட்டது.

இந்த நிலையில், நேற்று வெளியான ஆங்கிலப் படமான Avengers: Infinity War சென்னையின் முதல் நாள் வசூலில் சூர்யாவை பின்னுக்கு தள்ளியுள்ளது. ஆம், உலகம் முழுவதும் வசூல் வேட்டையில் ஈடுபட்டு வரும் இப்படம் சென்னையில் முதல் நாள் வசூலாக ரூ.78 லட்சம் வசூல் செய்துள்ளது.

எப்படிப்பட்ட பிரம்மாண்ட ஆங்கிலப் படங்களாக இருந்தாலும், தமிழ் சினிமாவின் முன்னணி ஹீரோக்களின் படங்களின் முதல் நாள் வசூலை முறியடித்ததில்லை என்ற நிலையில், Avengers: Infinity War படம் ‘தானா சேர்ந்த கூட்டம்’ படத்தின் வசூலை முறியடித்ததால் சூர்யாவின் மார்க்கெட் அதள பாதாளத்திற்கு செல்லும் நிலை ஏற்பட்டுள்ளது. இதனால் சூர்யாவின் ரசிகர்கள் ரொம்பவே வருத்தமடைந்துள்ளார்களாம்.