தமிழ் சினிமாவின் இரும்புக் கதவுகளை எளியவர்களுக்கு திறந்துவிட்ட இயக்குநர் இமயம் பாரதிராஜா, தற்போது நடிகராகவும் வலம் வருகிறார். ‘குரங்கு பொம்மை’ படத்தில் அவரது நடிப்பை பார்த்து வியக்காதவர்கள் யாரும் இருக்க முடியாது. தற்போது சில படங்களில் நடித்து வரும் பாரதிராஜா, இளைஞர்களிடம் பெரும் வரவேற்பு பெற்று வரும் வெப் சீரிஸ் உலகில் நுழைகிறார். அதுவும் தனது கனவுப் படைப்பான ‘குற்றப் பரம்பரை’-யுடன்.

பாரதிராஜாவின் கனவு திரைப்படமாக இருக்கு இந்த ‘குற்றப் பரம்பரை’ படத்தை எடுக்க் அவர் பல முறை முயற்சித்திருந்தாலும், சில காரணங்களால் அவரது கனவு கனவாகவே இருக்கும் நிலையில், அந்த கனவை நிஜமாக்குவதற்காக பாரதிராஜா வெப் சீரிஸ் உலகில் நுழைகிறார்.

வி ஹவுஸ் சார்பில் சுரேஷ் கமாட்சி தயாரிப்பில் வெப் சீரிஸ் தொடராக ‘குற்றப் பரம்பரை’ யை பாரதிராஜா இயக்கி நடிக்கிறார்.

இதற்கான படப்பிடிப்பு விரைவில் தொடங்க உள்ள நிலையில், எந்த ஓ.டி.டி தளத்தில் இப்படம் வெளியாகும் என்பது குறித்து மேலும் பல தகவல்களை விரைவில் படக்குழு அறிவிக்க உள்ளனர்.