தமிழ் சினிமாவின் உச்ச நடிகராக இருக்கும் அஜித், தனது ரசிகர் மன்றங்களை பல ஆண்டுகளுக்கு முன்பு கலைத்துவிட்டதோடு, தனக்காக ரசிகர்கள் எதுவும் செய்ய வேண்டாம், அவர் அவர் குடும்பத்தை பாருங்கள், என்று அறிவித்துவிட்டார். இருந்தாலும், அஜித்தின் படங்கள் ரிலீஸ் ஆகும் போது ரசிகர்கள், அதை விழாவாகவே கொண்டாடி வருகிறார்கள்.

அஜித்தை மட்டும் இன்றி அவரது மனைவி ஷாலினி மற்றும் அவரது குழந்தைகளின் பிறந்தநாள் என்று அனைத்திற்கும் போஸ்டர் அடித்து, பேனர் கட்டி ரசிகர்கள் கொண்டாடி மகிழ்கிறார்கள்.

இந்த நிலையில், புத்தாண்டை முன்னிட்டு அஜித் ரசிகர்கள், அஜித் புகைப்படம் கொண்ட காலண்டர் ஒன்றை அச்சடித்துள்ளார்கள். அந்த காலண்டரை பிக் பாஸ் பிரபலம் நடிகை மதுமிதாவும், அவரது கணவரும் இணைந்து வெளியிட்டுள்ளனர்.

அஜித் ரசிகர்களுக்கு மட்டும் இன்றி, திரை பிரபலங்களுக்கும் இந்த காலண்டரை விநியோகம் செய்ய அஜித் ரசிகர்கள் திட்டமிட்டுள்ளார்களாம்.