ஆஸ்கார் நாயகன் ஏ.ஆர்.ரஹ்மானின் உறவினரான ஜி.வி.பிரகாஷ் குமார் இசையமைப்பாளராக அறிமுகமாகி, தற்போது ஹீரோவாக வலம் வருகிறார். ஏராளமான படங்களில் ஹீரோவாக நடித்து வரும் ஜி.வி.பிரகாஷ் குமார், தான் நடிக்கும் படங்களுக்கு தானே இசையும் அமைக்கிறார்.

இந்த நிலையில், ஜி.வி.பிரகாஷ் குடும்பத்தில் இருந்து மேலும் ஒருவர் சினிமாவுக்குள் எண்ட்ராகிறார். அதுவும் ஹீரோயினாக. ஆம், ஜி.வி.பிரகாஷ் குமாரின் தங்கை பவானி ஸ்ரீ, ஒரு படத்தில் ஹீரோயினாக நடிக்கிறார்.

சமீபகாலமாக தனது புகைப்படங்களை சமூக வலைதளங்களில் வெளியிட்டு வைரலாக்கி வந்த பவானி ஸ்ரீ, விஜய் சேதுபதி நடிக்கும் ‘க/பெ.ரணசிங்கம்’ என்ற படத்தில் தான் ஹீரோயினாக அறிமுகமாகிறார். இப்படத்தில் ஐஸ்வர்யா ராஜேஷ் முதல் ஹீரோயினாக நடிக்க, பவானி ஸ்ரீ இரண்டாவது ஹீரோயினாக நடிக்கிறாராம்.

விருமாண்டி என்பவர் இயக்கும் இப்படத்தின் துவக்க விழா இன்று பூஜையுடன் நடைபெற்றது.