இயக்குநர் கே.வி.ஆனந்த் - சூர்யா நடிப்பில் வெளியான ‘காப்பான்’ ரசிகர்களிடம் பெரும் வரவேற்பு பெற்றது. சூர்யாவின் படங்களில் சிறப்பான ஓபனிங் படங்களின் வரிசையில் இணைந்துக் கொண்ட ‘காப்பான்’ தமிழகம் மட்டும் இன்றி கேரளா உள்ளிட பிற மாநிலங்க்ளிலும், வெளிநாடுகளிலும் வசூலில் புதிய சாதனைகளை நிகழ்த்தியது.

இந்த வெற்றியை படக்குழு சமீபத்தில் நட்சத்திர ஓட்டல் ஒன்றில் கேக் வெட்டி கொண்டாடினார்கள். இதில் இயக்குநர் கே.வி.ஆனந்த், சூர்யா, ஆர்யா, சாயிஷா, இசையமைப்பாளர் ஹாரிஷ் ஜெயராஜ் உள்ளிட்ட படக்குழுவினர் அனைவரும் கலந்துக் கொண்டார்கள்.

வசூலில் சாதனைப் படைத்ததோடு, தமிழகத்தில் உள்ள அனைத்து விவசாய சங்கங்களின் பாராட்டையும் பெற்ற ‘காப்பான்’ படம் நிகழ்த்திய சாதனையால், படத்தை தயாரித்த லைகா நிறுவன்மும் பெருமை கொண்டுள்ளது.

மேலும், ரூ.100 கோடி வசூலை தாண்டிய படங்களின் பட்டியலில் ‘காப்பான்’ படமும் இணைந்திருப்பதாக அறிவித்திருக்கும் லைகா புரொடக்‌ஷன்ஸ், இந்த வெற்றியை கொடுத்த காப்பான் படத்தில் பணியாற்றிய அனைத்து நடிகர், நடிகைகள் மற்றும் தொழில்நுட்ப கலைஞர்களுக்கு நன்றி தெரிவித்துள்ளது.