தமிழ் பிக் பாஸ் சீசன் 3 நிகழ்ச்சி இன்னும் ஒரு வாரத்தில் முடிய உள்ள நிலையில், முக்கிய போட்டியாளரான கவின், ரூ.5 லட்சம் பணத்திற்காக பிக் பாஸ் வீட்டில் இருந்து வெளியேறியுள்ள சம்பவம் பெரும் பரபரப்பை ஏற்படுத்தியுள்ளது.

லொஸ்லியா, ஷெரீன், கவின், சாண்டி, தர்ஷன் மற்றும் முகேன் என 6 போட்டியாளர்களில் ஏற்கனவே முகேன் இறுதி சுற்றுக்கு முனேறிய நிலையில், மற்ற இருவரில் கவின் ஒருவராக இருப்பார் என்று சொல்லப்பட்டு வந்த நிலையில், நேற்று அவர் ரூ.5 லட்சத்திற்காக பிக் பாஸ் வீட்டில் இருந்து வெளியேற தயரானார். ஆனால், அது ஒரு நாடகம் என்றும் கவின் தொடர்ந்து பிக் பாஸ் வீட்டில் இருப்பார் என்றும் கூறப்பட்டது.

இந்த நிலையில், கவின் பிக் பாஸ் வீட்டில் இருந்து வெளியேறியது உறுதி செய்யப்பட்டுள்ளது. தனது தனிப்பட்ட பிரச்சினை காரணமாகவும், தனக்கு தற்போது உடனடியாக பண தேவை இருப்பதாலும் அவர் ரூ.5 லட்சத்தை பெற்றுக் கொண்டு வெளியேறியிருக்கிறார். கவின் பிக் பாஸ் வீட்டில் இருந்து வெளியேறும் எப்பிசோட் இன்று ஒளிபரப்பாக உள்ளது.

மேலும், கவினை வெளியேற விடாமல் சக போட்டியாளர்கள் எவ்வளவோ தடுத்தும் அவர் அதை கேட்கவில்லை. அவரது காதலியான லொஸ்லியாவும் கவின் வெளியேற வேண்டாம் என்று கண்ணீர் விட்டு கேட்டும் அவர் மனம் இறங்கவில்லை. மூட்டை முடிச்சி கட்டிக்கொண்டு கவின் வெளியேறிய போது, லொஸ்லியா கதவு அருகே நின்று கதறி அழுத காட்சி தற்போது வெளியாகி வைரலாகியுள்ளது.

இதோ அந்த காட்சி,