’ஜாம்பவான்’, ‘வல்லக்கோட்டை’ சசிகுமார் நடிப்பில் விரைவில் வெளியாக உள்ள ‘ராஜவம்சம்’ ஆகிய படங்களை தயாரித்திருக்கும் டி.டி.ராஜா, விஜய் ஆண்டனியை ஹீரோவாக வைத்து ஒரு படம் தயாரிக்கிறார். இப்படத்தில் ஹீரோயினாக காவ்யா தாபர் நடிக்கிறார்.

சரண் இயக்கத்தில், பிக் பாஸ் ஆரவ் நடிக்கும் ‘மார்க்கெட் ராஜா எம்.பி.பி.எஸ்’ படத்தின் மூலம் தமிழ் சினிமாவில் அறிமுகமான காவ்யா தாபர், தனது முதல் படம் வெளியாகும் முன்பே அடுத்த வாய்ப்பை பெற்றவர், தொடர்ந்து பல பட வாய்ப்புகளுக்காக பேச்சு வார்த்தை நடத்தி வருகிறாராம்.

அரசியல் கலந்த த்ரில்லர் படமாக உருவாகும் இப்படத்தை ‘மெட்ரோ’ பட புகழ் ஆனந்த் கிருஷ்ணன் இயக்குகிறார். நிவாஸ் கே.பிரசன்னா இசையமைக்கும் இப்படத்திற்கு என்.எஸ்.உதயகுமார் ஒளிப்பதிவு செய்கிறார். இணை தயாரிப்பை ராஜா சஞ்சய் கவனிக்கிறார்.