தனுஷ், செல்வராகவன், யுவன் சங்கர் ராஜா ஆகியோரது கூட்டணியில் உருவாகியுள்ள ‘நானே வருவேன்’ படத்தின் மீது மிகப்பெரிய எதிர்ப்பார்ப்பு ஏற்பட்டுள்ள நிலையில், படத்தின் டீசர் வெளியாகி வைரலாகி வருகிறது.

வி கிரியேஷன்ஸ் சார்பில் கலைப்புலி எஸ்.தாணு தயாரிக்கும் இப்படத்தில் தனுஷ் இரட்டை வேடங்களில் நடித்திருக்கிறார். 

இசையமைப்பாளர் யுவன் சங்கர் ராஜாவின் இசையில், சில தினங்களுக்கு முன் வெளியான 'வீரா சூரா' பாடல் ஏற்கனவே 8 நாட்களில் 8 மில்லியன் பார்வையாளர்கள் எனும் சாதனையை படைத்துள்ள நிலையில், இப்படத்தின் டீசர் சமீபத்தில் தனுஷ் ரசிகர்களின் முன்னிலையில்  வெளியானது.

ரசிகர்களிடம் பெரும் வரவேற்பு பெற்ற டீசர், வெளியான சில நிமிடங்களில் பல லட்சம் பார்வையாளர்களை கடந்து வைரலாகி வருவதோடு, திரைப்படத்தின் வெளியீட்டிற்காக ரசிகர்கள் மிகுந்த எதிர்பார்ப்புடன் காத்துக் கொண்டிருக்கின்றனர்.