May 25, 2019 11:33 AM

ரசிகைகளுக்கு சர்பிரைஸ் கொடுத்த ‘என்.ஜி.கே’! - மாஸ் காட்டும் சூர்யா

ரசிகைகளுக்கு சர்பிரைஸ் கொடுத்த ‘என்.ஜி.கே’! - மாஸ் காட்டும் சூர்யா

செல்வராகவன் இயக்கத்தில் சூர்யா நடித்திருக்கும் ‘என்.ஜி.கே’ அரசியல் படம் என்பதாலும், சூர்யா நடிக்கும் முதல் அரசியல் படம் என்பதாலும் மிகப்பெரிய எதிர்ப்பார்ப்பு ஏற்பட்டிருக்கிறது. வரும் மே 31 ஆம் தேதி உலகம் முழுவதும் வெளியாக உள்ள ‘என்.ஜி.கே’ வசூலில் பல சாதனைகளை படைக்கும் என்றும் எதிர்ப்பார்க்கப்படுகிறது.

 

இந்த நிலையில், பெண் ரசிகைகளுக்காக சூர்யாவின் ‘என்.ஜி.கே’ படம் சர்பிரைஸ் விஷயம் ஒன்று செய்துள்ளது. அதாவது,  கேரள மாநிலம் செங்கரம்குளம் என்ற பகுதியில் உள்ள மார்ஸ் சினிமாஸ் என்ற திரையரங்கில் பெண்களுக்கான சிறப்பு காட்சி திரையிட உள்ளது. இதன் மூலம் அப்பகுதியில் உள்ள சூர்யாவின் பெண் ரசிகைகள் ’என்.ஜி.கே’ படத்தை முதல் நாளான மே 31 ஆம் தேதியே பார்க்க உள்ளனர்.

 

பொதுவாக, முன்னணி ஹீரோக்களின் படங்கள் சிறப்பு காட்சிகள் திரையிடுவது வழக்கமான ஒன்று தான் என்றாலும், பெண்களுக்கான பிரத்யேகமான சிறப்பு காட்சி என்பது புதிதான ஒன்று தான். அதை செய்திருக்கும் சூர்யாவுக்கு ரசிகர்கள் பலர் அதிலும் பெண் ரசிகர்கள் பாராட்டு தெரிவித்து வருகிறார்கள்.