விஜய் - இயக்குநர் அட்லீ கூட்டணியின் மூன்றாவது படமாக உருவாகும் ‘தளபதி 63’ படத்தின் படப்பிடிப்பு விறுவிறுப்பாக நடைபெற்று வருகிறது. சென்னை அருகே உள்ள படப்பிடிப்பு தளத்தில் அமைக்கப்பட்டுள்ள பிரம்மாண்ட அரங்குகளில் தற்போது நடைபெற்று வரும் படப்பிடிப்பு விரைவில் டெல்லியிலும் நடைபெற உள்ளது.

படத்திற்கு இன்னும் தலைப்பு வைக்கப்படாததால் ‘தளபதி 63’ என்று அழைக்கப்பட்டு வருகிறது. வரும் தீபாவளியன்று வெளியாக இருக்கும் இப்படத்தின் தலைப்பு என்னவாக இருக்கும், பஸ்ட் லுக் எப்படி இருக்கும், என்று ரசிகர்கள் எதிர்ப்பார்த்துக் கொண்டிருக்கிறார்கள்.

இந்த நிலையில், படக்குழுவில் உள்ள பாடலாசிரியர் விவேக், ‘தளபதி 63’ படத்தின் பஸ்ட் லுக் வெளியிடப்படும் தேதியை சூசகமாக அறிவித்துள்ளார். அதாவது, இன்றில் இருந்து இன்னும் 30 நாட்களில் தளபதியின் 63 வது படத்தின் பஸ்ட் லுக் வெளியாகும், என்று அவர் தெரிவித்துள்ளார்.

ஆக, மொத்தம் விஜயின் பிறந்தநாளை முன்னிட்டு ‘தளபதி 63’ படத்தின் பஸ்ட் லுக்கை வெளியிட படக்குழு முடிவு செய்துள்ளது.