’மதுர சம்பவம்’, ’தொப்பி’, ‘சிகப்பு எனக்கு பிடிக்கும்’ உள்ளிட்ட பல படங்களை இயக்கிய யுரேகா, தனது அடுத்த படத்திற்கு ‘காட்டுபய சார் இந்த காளி’ என்று தலைப்பு வைத்துள்ளார்.

ஒயிட் ஹார்ஸ் சினிமாஸ் நிறுவனத்துடன் யுரேகா சினிமா ஸ்கூல் இணைந்து தயாரிக்கும் இப்படத்தில் ஹீரோவாக ஜெய்வந்த் நடிக்கிறார். மற்றும் ஜரா, ஆடுகளம் நரேன், மூணாறு ரமேஷ், மாரிமுத்து, சி.வி.குமார், அபிஷேக், யோகி தேவராஜ், எமி, ஆர்.ரத்தினகுமார், டேவிட், காமாட்சி மோகன், அம்மா கணக்கு விக்கி, முத்தையா கண்ணதாசன், மதன், அஸ்மிதா ஆகியோர் நடிக்கிறார்கள்.

விஜய் சங்கர் இசையமைக்கும் இப்படத்திற்கு மணி பெருமாள் ஒளிப்பதிவு செய்கிறார். வில்சி எடிட்டிங் செய்ய, மோகன மகேந்திரன் கலையை நிர்மாணிக்கிறார். பிரபு சந்திரசேகர் சண்டைப்பயிற்சியை மேற்கொள்ள, பூபதி நடனம் அமைக்கிறார். பிறைசூடன், யுகபாரதி, யுரேகா ஆகியோர் பாடல்கள் எழுதுகிறார்.