ஹீரோயின், வில்லி, குணச்சித்திர வேடம் என்று எந்த வேடமாக இருந்தாலும் அதில் தனது திறமையை காட்டி பாராட்டு பெற்றுவிடுபவர் ரம்யா கிருஷ்ணன். ‘பாகுபலி’ படத்திற்குப் பிறகு தென்னிந்திய சினிமாவின் முக்கியமான குணச்சித்திர நடிகையான ரம்யா கிருஷ்ணன், விஜய் சேதுபதியின் ‘சூப்பர் டீலக்ஸ்’ படத்தில் ஆபாச பட நடிகையாக நடித்தார்.

இந்த நிலையில், 49 வயதாகும் ரம்யா கிருஷ்ணன் ‘ரொமாண்டிக்’ என்ற தெலுங்குப் படத்தில் வித்தியாசமான வேடம் ஒன்றில் நடித்து வருகிறார்.

காதல் பிளஸ் காமெடி படமாக உருவாகும் இப்படத்தில் ஆகாஷ் பூரி, கித்திகா ஷர்மா ஆகியோர் முக்கிய கதாபாத்திரத்தில் நடிக்கின்றனர். இப்படத்தில் ஹீரோ மற்றும் ஹீரோயினுக்கு நிகரான கதாபாத்திரத்தில் நடித்து வரும் ரம்யா கிருஷ்ணனின், போஷன் தற்போது படமாக்கப்பட்டு வருகிறதாம்.

இதற்காக, ‘ரொமாண்டிக்’ படக்குழு ரம்யா கிருஷ்ணனுடன் கோவாவில் முகாமிட்டிருப்பதோடு, தொடர்ந்து 30 நாட்கள் ரம்யா கிருஷ்ணனின் காட்சிகளை படமாக்க இருக்கிறார்களாம்.