சிவா இயக்கத்தில் அஜித் நடித்த ‘விஸ்வாசம்’ கடந்த பொங்கல் பண்டிகைக்கு வெளியாகி பெரும் வரவேற்பு பெற்றது. ரஜினியின் ‘பேட்ட’ யுடன் போட்டி போட்டு வெற்றிப் பெற்ற அஜித், மிகப்பெரிய வசூல் வேட்டையை நடத்திவிட்டார்.

சிவா - அஜித் கூட்டணியில் தொடர்ந்து வெளியான மூன்று படங்கள் எதிர்ப்பார்த்த வெற்றியை பெறாததால், இவர்கள் இணைந்த நாகாவது படமான ‘விஸ்வாசம்’ எப்படி இருக்குமோ! என்று அஜித் ரசிகர்கள் பெரும் கவலையில் இருக்க, படம் வெளியாகி அத்தனை பேரது கவலையையும் காற்றில் பறக்கவிட்டது போல, வெளியான அனைத்து இடங்களிலும் சூப்பர் டூப்பட் ஹிட்டானது.

தற்போது 100 நாட்களை கடந்திருக்கும் ‘விஸ்வாசம்’ தமிழகத்தின் சில திரையரங்குகளில் ஹவுஸ் புல் காட்சிகளாக ஓடிக்கொண்டிருக்கிறது.

‘விஸ்வாசம்’ படத்தின் 100 வது நாளை அஜித் ரசிகர்கள் பல இடங்களில் கொண்டாடி வரும் நிலையில், மிக பிரம்மாண்டமான ஒரு வெற்றிவிழா நிகழ்ச்சியையும் ஏற்பாடு செய்து வருவதாக தகவல் வெளியாகியுள்ளது.