கேரளாவை சேர்ந்தவரான லட்சுமி மேனன், தமிழ் சினிமாவில் முன்னணி நடிகையாக வலம் வந்தார். அவர் நடித்த பெரும்பாலான படங்கள் ஹிட் ஆனதால் லக்கி நடிகை என்று பெயர் எடுத்தவர், ‘கொம்பன்’, ‘பாண்டியநாடு’, ‘மிருதன்’ என்று தொடர் வெற்றிப் படங்களாகவே கொடுத்து வந்தார்.

இதற்கிடையே உடல் அடை அதிகரித்ததால் அவருக்கு பட வாய்ப்புகள் குறைய தொடங்கியது. இதையடுத்து உடல் எடையை குறைக்கும் பணியில் ஈடுபட்ட லட்சுமி மேனன் தற்போது பிரபுதேவாவுடன் ‘யங் மங் சங்’ என்ற படத்தில் மட்டுமே நடித்திருக்கிறார். அப்படமும் வெளியாவதில் காலதாமதம் ஆகி வருகிறது.

பட வாய்ப்புகள் இல்லாததால், படிப்பில் கவனம் செலுத்த தொடங்கியிருக்கும் லட்சுமி மேனன், குச்சிப்புடி நடனத்திற்கு டிப்ளமோ படித்து வருவதோடு, சோஷியாலஜி டிகிரியும் படித்து வருகிறாராம்.

என்ன தான் படிப்பு மீது கவனம் செலுத்தினாலும், தற்போது சினிமா மீது பெரும் ஆர்வத்தில் இருக்கும் லட்சுமி மேனன், மீண்டும் தமிழ் சினிமாவில் ரீ எண்ட்ரியாவதற்கான வாய்ப்பை எதிர்நோக்கியே இருக்கிறாராம்.