தமிழக அரசியல் களத்தில் ஆபாச நடிகை சன்னி லியோன்!
ஆபாச பட உலகில் புகழ் பெற்றவரான சன்னி லியோன், தற்போது பாலிவுட் கவர்ச்சி நடிகையாக வலம் வருகிறார். கனடா நாட்டை சேர்ந்த இவர், தற்போது ஆபாச படங்களில் நடிப்பதை விட்டுவிட்டு, இந்தி திரைப்படங்களில் நடிக்க தொடங்கியுள்ளார்.
தமிழ் மற்றும் தெலுங்குப் படங்களில் ஒரு பாடலுக்கு நடனம் ஆடியுள்ள சன்னி லியோன், தென்னிந்திய மொழி சினிமாவில் நடிக்க ஆர்வம் காட்டி வருகிறார். அந்த வகையில், சன்னி லியோன் நடிப்பில் ‘வீரமாதேவி’ என்ற படம் தமிழ், தெலுங்கு மற்றும் இந்தி ஆகிய மொழிகளில் உருவாகி வருகிறது. இதில் ராணியாக நடிக்கும் சன்னி, அதற்காக குதிரை பயிற்சி, கத்தி சண்டை பயிற்சி மேற்கொண்டு வருகிறார்.
இந்த நிலையில், ‘வீரமாதேவி’ படத்தை இயக்கும் வி.சி.வடிவுடையான், அடுத்ததாக சன்னி லியோனை வைத்து அரசியல் படம் ஒன்றை இயக்க இருக்கிறாராம். முழுக்க முழுக்க தமிழக அரசியல் களத்தை மையமாக வைத்து உருவாக உள்ள இப்படத்திற்கு ‘டெல்லி’ என்று தலைப்பு வைக்கப்பட்டிருப்பதாகவும் கூறப்படுகிறது.