Mar 22, 2019 05:01 AM

முன்னணி நடிகருடன் ’தெய்வ மகள்’ வாணி போஜன்! - இனி எல்லாமே அப்படித்தானாம்

முன்னணி நடிகருடன் ’தெய்வ மகள்’ வாணி போஜன்! - இனி எல்லாமே அப்படித்தானாம்

சன் தொலைக்காட்சியில் ஒளிபரப்பாகி பெரும் வரவேற்பு பெற்ற மெகா தொடரில் நாயகியாக நடித்தவர் வாணி போஜன். மாடலிங் துறை மூலம் தனது பயணத்தை தொடங்கிய வாணி போஜனுக்கு தெய்வ மகள் சீரிய பெரிய அளவில் ரீச் கொடுத்தது. 

 

தமிழகத்தின் பெண்கள் மற்றும் இளைஞர்களிடம் பிரபலமடைந்த வாணி போஜன், சீரியலில் நடித்துக் கொண்டிருக்கும் போதே பல சினிமா வாய்ப்புகள் வந்தாலும், நல்ல வாய்ப்புக்காக காத்திருந்தார். 

 

இதற்கிடையே, ‘தெய்வ மகள்’ சீரியல் முடிந்ததும் வேறு எந்த சீரியலிலும் கமிட் ஆகாமல் சினிமா வாய்ப்புக்காக காத்திருந்த வாணி போஜனுக்கு வாய்ப்புகள் பல வந்தாலும் அவை திருப்திகரமானதாக இல்லை. சரியான படத்தின் மூலம் அறிமுகமானல் மட்டுமே கோடம்பாக்கத்தில் சிறுது காலமாவது வண்டி ஓட்ட முடியும் என்பதை புரிந்துக் கொண்ட வாணி போஜனுக்கு அவர் நினைத்தது போலவே வாய்ப்பு ஒன்று கிடைத்துள்ளது.

 

ஆம், வாணி போஜன் விரைவில் வெள்ளித்திரையில் நாயகியாக அறிமுகமாகப் போகிறார். வைபவ் ஹீரோவாக நடிக்கும் படத்தில் வாணி போஜன் ஹீரோயினாக ஒப்பந்தமாகியுள்ளார். ஏற்கனவே, டிவி-யில் பிரபலமாக இருந்த ப்ரியா பவானி சங்கர், வைபவுடன் ‘மேயாத மான்’ படத்தில் நடித்து சினிமாவில் பிரபலமடைந்ததால், வாணி போஜனும் வெள்ளித்திரையில் ஜொலிப்பார் என்று எதிர்ப்பார்ப்பக்கபடுவதோடு, தன்னை தேடி வரும் சீர்யல் வாய்ப்புகளை நிராகரிக்கும் வாணி போஜன் இனி எல்லாமே சினிமா, தான் என்று கூறி வருகிறாராம்.

 

இப்படத்தை நடிகர் நிதின் சத்யா தயாரிக்கிறார். இவர் ஏற்கனவே ஜெய்யை வைத்து தயாரித்த ’ஜருகண்டி’ தோல்வியடைந்தாலும், தொடர்ந்து படம் தயாரிப்பதில் தீவிரம் காட்டுகிறாராம்.

 

Vani Bhojan